വള്ളിക്കുന്ന്: മണ്ഡലത്തിലെ വിവിധ റോഡുകളുടെ നവീകരണത്തിന് 7.5 കോടി അനുവദിച്ചതായി പി. അബ്ദുൽ ഹമീദ് എം.എൽ.എ അറിയിച്ചു. കോഹിനൂർ-ദേവതിയാൽ-നീരോൽപാലം-പറമ്പിൽ പീടിക റോഡ് നവീകരണത്തിന് 4 കോടി 88 ലക്ഷം, കൊടക്കാട്-റെയിൽവേ സ്റ്റേഷൻ-അരിയല്ലൂർ ജങ്ഷൻ റോഡ് നവീകരണത്തിന് 1 കോടി 67 ലക്ഷം, കോട്ടക്കടൽ പാലം അപ്രോച്ച് റോഡ് അരികുകെട്ടി വീതി കൂട്ടാൻ 75 ലക്ഷം, പുകയൂർ-കൂമണ്ണ റോഡ് നവീകരണത്തിന് 25 ലക്ഷം അനുവദിച്ചതായും സാങ്കേതികാനുമതിയും ടെണ്ടർ നടപടിയും ഉടൻ പൂർത്തീകരിക്കാൻ നിർദേശം നൽകിയതായും എം.എൽ.എ അറിയിച്ചു. ഇതിനു പുറമെ ചെട്ട്യർമാട്-അത്താണിക്കൽ റോഡിൽ വെള്ളേപാടം ഓവുപാലത്തി‍െൻറ അപ്രോച്ച് റോഡ് വീതി കൂട്ടി സൈഡ് കെട്ടി സംരക്ഷണത്തിന് 22 ലക്ഷം രൂപയുടെ പ്രവൃത്തികൾ പൂർത്തീകരിച്ചു വരുന്നതായും എം.എൽ.എ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.