പുലാപ്പറ്റ: ടിപ്പു സുൽത്താൻ പാതയിലെ വെള്ളക്കെട്ട് പാതയുടെ സുരക്ഷക്ക് ഭീഷണിയാവുന്നു. മണ്ണാർക്കാട് കോങ്ങാട് ടിപ്പു സുൽത്താൻ പാതയിലെ ഉമ്മനഴിയിലും പരിസരങ്ങളിലുമാണ് മഴ വെള്ളം തളംകെട്ടി നിൽക്കുന്നത്. റോഡിെൻറ ഇരുവശങ്ങളിലുമുള്ള വെള്ളക്കെട്ട് വാഹനയാത്രക്കാർക്കും കാൽ നടക്കാർക്കും പ്രയാസമാകുന്നു. ഈ വഴിയിലൂടെ വാഹനങ്ങൾ വേഗത്തിൽ വന്നാൽ ചളി വെള്ളം തൊട്ടടുത്തുള്ള വഴിയാത്രക്കാരുടെ നേരെയും കടകളിലേക്കും തെറിക്കുന്നത് പതിവാണ്. പാതയിലെ വെള്ളക്കെട്ട് ഈ റോഡിെൻറ തകർച്ചക്കും കാരണമാകുന്നു. ടിപ്പു സുൽത്താൻ പാതയുടെ പുനരുദ്ധാരണത്തിന് പദ്ധതി ആവിഷ്കരിച്ചെങ്കിലും നടപടി ആരംഭിച്ചിട്ടില്ല. ഈ പാതയിൽ മിക്ക സ്ഥലങ്ങളിലും മെറ്റൽ ഇളകിയും ടാറിങ് നീങ്ങിയും തകർന്നുകൊണ്ടിരിക്കുകയാണ്. പാതയുടെ വക്കിടിച്ചിലും അപകട ഭീഷണി ഉയർത്തുന്നു. ഭൂരിഭാഗം സ്ഥലങ്ങളിലും വെള്ളം ഒഴുകി പോവുന്നതിന് ഓവ് ചാലില്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.