കരുവാരകുണ്ട്: ചൈതന്യ ക്ലബ് സംഘടിപ്പിച്ച ഫൈവ്സ് ഫുട്ബാൾ മേളയിൽ തരിശ് ചൈതന്യ ക്ലബ് ജേതാക്കളായി. പുൽവെട്ട ഫീനിക്സ് ക്ലബിനെയാണ് മൂന്നിനെതിരെ നാല് ഗോളുകൾക്ക് പരാജയപ്പെടുത്തിയത്. ജേതാക്കൾക്ക് എം.പി.എ. ലത്തീഫ് ട്രോഫികൾ വിതരണം ചെയ്തു. വാർഡ് അംഗം പി. സൈനബ, ക്ലബ് ഭാരവാഹികളായ പി. അജ്മൽ, കെ.സി. ആമിർ, എൻ. ബാദുഷ എന്നിവർ സംസാരിച്ചു. പൈപ്പ് പൊട്ടി വെള്ളം പാഴാവുന്നു കരുവാരകുണ്ട്: ജലനിധി പദ്ധതിയുടെ പ്രധാന പൈപ്പ് പൊട്ടി ആയിരക്കണക്കിന് ലിറ്റർ ശുദ്ധജലം പാഴായി. ജലനിധിയിലെ ഏറ്റവും വലിയ സ്കീമായ കരുവാരകുണ്ട് സ്കീമിലെ പൈപ്പാണ് മരുതിങ്ങൽ കുട്ടത്തി റോഡിൽ പൊട്ടിയത്. ഒരു ലക്ഷം ലിറ്റർ സംഭരണ ശേഷിയുള്ള വൻ ജലസംഭരണിയിൽ നിന്നുള്ളതാണീ പൈപ്പ്. പൈപ്പ് പൊട്ടൽ ഏറെനേരം റോഡിനെ വെള്ളത്തിലാക്കി. ഒടുവിൽ ജലവിതരണം നിർത്തിവെച്ചു. അറ്റകുറ്റപ്പണികൾ യഥാസമയം നടത്താൻ സംവിധാനമില്ലാത്തത് ജലനിധി പദ്ധതി നടത്തിപ്പിനെ പ്രതിസന്ധിയിലാക്കുന്നുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.