നിലമ്പൂർ: മർച്ചൻറ് അസോസിയേഷ‍െൻറ ഇത്തവണത്തെ ഓണാഘോഷം ചാലിയാർ പഞ്ചായത്തിലെ വെറ്റിലക്കൊല്ലി കോളനിവാസികൾക്കൊപ്പം. വ‍്യാഴാഴ്ചയാണ് കോളനിയിൽ ഓണാഘോഷം സംഘടിപ്പിക്കുകയെന്ന് സംഘാടകർ വാർത്തസമ്മേളനത്തിൽ അറിയിച്ചു. ആഘോഷത്തി‍െൻറ ഭാഗമായി ചാലിയാർ ആരോഗ‍്യ കേന്ദ്രവുമായി സഹകരിച്ച് കോളനിയിൽ മെഡിക്കൽ ക‍്യാമ്പും നടത്തും. 28 കുടുംബങ്ങളുള്ള കോളനിയിൽ എല്ലാവർക്കും പുതുവസ്ത്രങ്ങൾ നൽകും. വിഭവ സമൃദ്ധമായ ഓണസദ‍്യയും വിളമ്പും. കഴിഞ്ഞ വർഷം പ്ലാക്കൽചോല കോളനിയിലായിരുന്നു മർച്ചൻറ് അസോസിയേഷ‍െൻറ ഓണാഘോഷം. വാർത്തസമ്മേളനത്തിൽ അസോസിയേഷൻ നിലമ്പൂർ യൂനിറ്റ് പ്രസിഡൻറ് യു. നരേന്ദ്രൻ, സെക്രട്ടറി വിൻസൻറ് എ. ഗോൺസാഗ, പി. വേണുഗോപാൽ, പി. ഹരിദാസ്, മനോജ് ലാൽ എന്നിവർ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.