പുതുപൊന്നാനി: പുതുപൊന്നാനി, പൊന്നാനി മേഖലകളിൽ തെരുവുനായ് ശല്യം രൂക്ഷമാകുന്നു. പൊന്നാനി അങ്ങാടി, ചന്തപ്പടി, കുറ്റിക്കാട്, ചമ്രവട്ടം ജങ്ഷൻ, കുണ്ടുകടവ് ജങ്ഷൻ, കറുകത്തിരുത്തി, കൊല്ലൻ പടിയിലും പുതുപൊന്നാനി പൊലീസ് സ്റ്റേഷൻ പരിസരം, കിണർ സ്റ്റോപ്, മുനമ്പം ബീവി ജാറം പരിസര പ്രദേശങ്ങൾ എന്നിവിടങ്ങളിലുമാണ് ശല്യം രൂക്ഷമായിരിക്കുന്നത്. ഈ സ്ഥലങ്ങളിലെ കുട്ടികളെ വീട്ടിൽനിന്ന് പുറത്തിറക്കാൻ രക്ഷിതാക്കൾ ഭയക്കുകയാണ്. രാപകൽ വ്യത്യാസമില്ലാതെ നായ്ക്കൾ അലഞ്ഞുതിരിയുന്നത് ഭീഷണിയാകുന്നു. സ്കൂളിലേക്കും മദ്റസയിലേക്കും പോകുന്ന വിദ്യാർഥികളെയും നായ്ക്കൾ അക്രമിക്കുന്നത് പതിവാണ്. എത്രയും പെെട്ടന്ന് പരിഹാരം വേണമെന്നാണ് നാട്ടുകാരുടെ ആവശ്യം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.