അരീക്കോട്: പെരുമ്പറമ്പിലെ ഗവ. ഹയര് സെക്കന്ഡറി സ്കൂള് കേന്ദ്രീകരിച്ചു നടക്കുന്ന 28ാമത് ജില്ലാ സ്കൂള് കലോത്സവത്തിനുള്ള വേദികളുടെ നിര്മാണം തകൃതിയായി നടക്കുന്നു. സ്കൂള് മുറ്റത്തുള്ള സ്ഥിരം സ്റ്റേജിന് മുന്നിലെ പന്തല് നിര്മാണം പൂര്ത്തിയായി. സ്കൂള് മൈതാനത്ത് പ്രധാന വേദിയുടെ നിര്മാണം പൂര്ത്തിയായി വരുന്നു. ഇതിന് സമീപത്തുതന്നെ ഊട്ടുപുരക്കുള്ള പന്തലും കെട്ടുന്നുണ്ട്. ഒരേസമയം 1000 പേര്ക്കിരുന്ന് ഭക്ഷണം കഴിക്കാവുന്ന വിധത്തിലാണ് പന്തലിന്െറ ക്രമീകരണം. 10 കൗണ്ടറുകളിലായി 100 വീതം പേര്ക്ക് ഇരിക്കാം. 16വേദികളുടെയും നിര്മാണം ജനുവരി ഒന്നിന് മുമ്പായി തീരുമെന്ന് കണ്വീനര് സി.പി.എ. കരീം അറിയിച്ചു. മൂന്നു വേദികള് ഹാളുകളിലാണ്. സ്കൂള് പരിസരത്തെ 100ഓളം വൃക്ഷതൈകള് സംരക്ഷിക്കുന്നതിനുള്ള പ്രവൃത്തിയും നടക്കുന്നുണ്ട്. എടവണ്ണ ഇസ്ലാഹിയ കോളജിലെ എന്.എസ്.എസ് വളന്റിയര്മാര് ഒരാഴ്ചത്തെ ക്യാമ്പായിട്ടാണ് തൈ സംരക്ഷണ പ്രവര്ത്തനങ്ങളും കാടുവെട്ടലും നടത്തുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.