സി.എം. വലിയുല്ലാഹി ആണ്ടുനേർച്ച ഇന്ന് മടവൂർ സി.എം സൻെററിൽ നരിക്കുനി: മടവൂർ സി.എം വലിയുല്ലാഹി ആണ്ട് നേർച്ചയും ദിക്റ് ദുആ ആത്മീയ സമ്മേളനവും വ്യാഴാഴ്ച സി.എം സൻെറർ മടവൂർ ശരീഫിൽ നടക്കും. ഓൺലൈൻ വഴി രാത്രി ഏഴിന് നടക്കുന്ന ആത്മീയ സമ്മേളനം ഇബ്രാഹീം ഖലീലുൽ ബുഖാരി ഉദ്ഘാടനം ചെയ്യും. സമസ്ത പ്രസിഡൻറ് ഇ. സുലൈമാൻ മുസ്ലിയാർ അധ്യക്ഷത വഹിക്കും. ദിക്റ് ദുആ സമ്മേളനത്തിന് അലി ബാഫഖി തങ്ങൾ, കാന്തപുരം എ.പി. അബൂബക്കർ മുസ്ലിയാർ, ശിറിയ എം. അലിക്കുഞ്ഞി മുസ്ലിയാർ, കട്ടിപ്പാറ കെ.കെ. അഹ്മദ് കുട്ടി മുസ്ലിയാർ, ശിഹാബുദ്ദീൻ അഹ്ദൽ മുത്തന്നൂർ എന്നിവർ സംബന്ധിക്കും. സി.എം സൻെറർ ജനറൽ സെക്രട്ടറി ടി.കെ. അബ്ദുറഹ്മാൻ ബാഖവി ആമുഖ പ്രഭാഷണം നടത്തും. cmcentreonline, Mediamission യൂട്യൂബ് ചാനലുകളിൽ പരിപാടികൾ തത്സമയം കാണാവുന്നതാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.