ഫറോക്ക്: കേരളപ്പിറവി ദിനത്തിൽ മലയാളപ്പഴമയുടെ ചരിത്രം തേടി ഫാറൂഖ് എ.എൽ.പി. സ്കൂൾ വിദ്യാർഥികൾ. കേരളത്തിെൻറ ചരിത്രത്തിലേക്ക് വെളിച്ചംവീശുന്ന പത്രികകളും ദൃശ്യാവിഷ്കാരവും പതിപ്പുകളുമായി വിദ്യാർഥികൾ തങ്ങളുടെ കൂട്ടുകാർക്ക് വ്യത്യസ്തമായ പഠനവേദിയാണൊരുക്കിയത്. കേരളത്തിെൻറ ചരിത്രം, ഐതിഹ്യം, കലകൾ, സംഗീതം, കളികൾ, ആഘോഷങ്ങൾ, വിനോദ കേന്ദ്രങ്ങളുടെ വിവരങ്ങൾ, കവിതകൾ, കഥകൾ എന്നിവയെല്ലാം അവരുടെ പതിപ്പുകളിലും ചുമർ പത്രികകളിലും ഇടംപിടിച്ചു . വിദ്യാർഥികൾ കേരള ഗാനങ്ങൾ സംഘമായി ദൃശ്യവത്കരിക്കുകയും ആലപിക്കുകയും ചെയ്തു. ദ്രുത പ്രശ്നോത്തരി, നവകേരള പ്രതിജ്ഞ എന്നിവക്ക് ടി. സുലൈഖ , നസ്റി ബാനു എന്നിവർ നേതൃത്വം കൊടുത്തു. സ്റ്റാഫ് സെക്രട്ടറി ജഹാംഗീർ കബീർ, സീനിയർ അസിസ്റ്റൻറ് ടി.എ. സുലൈഖ, എസ്.ആർ.ജി. കൺവീനർ കെ.പി. മുഹമ്മദലി, കെ.എച്ച്. സുലൈമാൻ, എ. വാഹിദ, സ്കൂൾ ലീഡർ വി.കെ. ഷാദിൽ എന്നിവർ സംസാരിച്ചു. photo: farook33.jpg കേരളപിറവി ദിനത്തിൽ ഫാറൂഖ് കോളജ് ഫാറൂഖ് എ.എൽ.പി. സ്കൂളിലെ വിദ്യാർഥികൾ ഒരുക്കിയ കേരള ചരിത്രം പഠനവേദി
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.