ഫറോക്ക്: ഫാറൂഖ് കോളജിൽനിന്ന് 2018ൽ ഡിഗ്രി, പി.ജി കഴിഞ്ഞ വിദ്യാർഥികളുടെ കോൺവക്കേഷൻ ശനിയാഴ്ച ഉച്ചക്ക് 12 മണിക്ക് കോളജ് കൺെവൻഷൻ സെൻററിൽ നടക്കുന്നു. പോളണ്ടിലെ മുൻ ഇന്ത്യൻ അംബാസഡർ ഡോ. ദീപക് വോഹറ മുഖ്യാതിഥിയാകും. കാലിക്കറ്റ്‌ സർവകലാശാല പ്രൊ വൈസ് ചാൻസലർ ഡോ. പി. മോഹനൻ, കൺട്രോളർ ഓഫ് എക്സാമിനർ ഡോ. വി.വി. ജോർജ്കുട്ടി എന്നിവർ പങ്കെടുക്കും. ഫറോക്ക് ഉപജില്ല സ്കൂൾ ഫുട്ബാൾ; ഫാറൂഖ് ഹയർ സെക്കൻഡറിക്ക് ഇരട്ട കിരീടം ഫറോക്ക്: ഉപജില്ല സ്കൂൾ ഗെയിംസ് ഫുട്ബാൾ ടൂർണമെൻറിൽ ഫാറൂഖ് ഹയർ സെക്കൻഡറി സ്കൂൾ സീനിയർ വിഭാഗത്തിലും ജൂനിയർ വിഭാഗത്തിലും ഒന്നാമതെത്തി ഇരട്ട കിരീടം സ്വന്തമാക്കി. സീനിയർ വിഭാഗത്തിൽ ഉമ്പിച്ചി ഹാജി ഹയർ സെക്കൻഡറി സ്കൂൾ ചാലിയത്തെ ഏകപക്ഷീയമായ ഒരു ഗോളിന് പരാജയപ്പെടുത്തിയാണ് വിജയികളായത്. അഖിയാൻ വിജയഗോൾ നേടി. ജൂനിയർ വിഭാഗത്തിൽ മണ്ണൂർ സി.എം. ഹയർ സെക്കൻഡറി സ്കൂളിനെ ഏകപക്ഷീയ രണ്ടു ഗോളുകൾക്ക് പരാജയപ്പെടുത്തിയാണ് ഫാറൂഖ് ഹയർ സെക്കൻഡറി സ്കൂൾ വിജയികളായത്. അക്ഷയ് പി.ടി, നവായിസ് എന്നിവർ വിജയഗോളുകൾ നേടി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.