കോഴിക്കോട്: അപൂർവ രോഗം മൂലം വേദനയനുഭവിക്കുന്ന മലപ്പുറം എടവണ്ണപ്പാറയിലെ ചീക്കോട് പഞ്ചായത്തിലുള്ള മുസ്തഫ -ആസിയ ദമ്പതികളുടെ മക്കളായ സുറൂറുസ്സമാൻ, ഫാസിൽ സമാൻ, നഷ്വ എന്നീ കുരുന്നുകൾക്ക് മീഡിയവൺ 'സ്നേഹസ്പർശം' പരിപാടിയിലൂടെ വീണ്ടും സഹായം. പ്രേക്ഷകർ നൽകിയ രണ്ടാമത്തെ ഗഡുവായ അഞ്ചുലക്ഷം രൂപയുടെ ചെക്ക് മീഡിയവൺ ഡയറക്ടർ സലാം മേലാറ്റൂർ കുട്ടികളുടെ പിതാവ് മുസ്തഫക്ക് കൈമാറി. മൂന്നു കുട്ടികളുടെ ചികിത്സക്കായി മീഡിയവൺ പ്രേക്ഷകർ നൽകിയ 10 ലക്ഷം രൂപ ഇതിനോടകം ഇവർക്ക് കൈമാറി. വാർത്തയറിഞ്ഞ സുമനസ്സുകൾ നേരിട്ട് നാലു ലക്ഷത്തോളം രൂപയും മുസ്തഫക്ക് കൈമാറിയിട്ടുണ്ട്. മീഡിയവൺ സീനിയർ എക്സിക്യൂട്ടിവ് അനീസ്, പ്രാദേശിക സഹായ സമിതി ഭാരവാഹികളായ ഇമ്പിച്ചി മോതി മാസ്റ്റർ, കെ.പി. സദഖത്തുല്ല ഹാജി, മുസ്തഫ ചീക്കോട് തുടങ്ങിയവർ ചടങ്ങിൽ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.