കുറ്റ്യാടി: റോഡിലെ ഓവുചാൽ സ്വകാര്യ വ്യക്തികൾ നികത്തിയതിനാൽ മഴവെള്ളം കവിഞ്ഞൊഴുകുന്നത് വീട്ടിലേക്ക്. കുറ്റ്യാടി-മുള്ളൻകുന്ന് റോഡിൽ അടുക്കത്ത് കക്കോട്ട്ചാലിൽ ഇബ്രാഹിമിെൻറ വീട്ടുമുറ്റത്തേക്കാണ് മഴവെള്ളം മുഴുവൻ കുത്തിയൊലിച്ചെത്തുന്നത്. റോഡിലെ ഓവുചാൽ നികത്തിയതിനാൽ വെള്ളം കവിഞ്ഞൊഴുകി താഴ്ഭാഗത്തുള്ള ഇയാളുടെ വീട്ടിലേക്കാണ് എത്തുന്നത്. മൂന്ന് വർഷമായി ഈ പ്രശ്നം തുടരുകയാണ്. പി.ഡബ്യൂ.ഡിക്കും പഞ്ചായത്തിനും പരാതി നൽകിയിട്ടും ഇതുവരെ പരിഹാരമായിട്ടില്ലെന്നും പറയുന്നു. വെള്ളപ്പാച്ചിലിൽ മുമ്പ് അടുക്കളക്കും മറ്റും കേടുപറ്റിയതായും പറഞ്ഞു. നികത്തിയ ഓവിന് സ്ലാബിട്ടാൽ പ്രശ്നത്തിന് പരിഹാരമാകുമെന്ന് നാട്ടുകാർ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.