നാദാപുരം: എടച്ചേരി മാപ്പിള എൽ.പി സ്കൂൾ കോഴിക്കോട് മലബാർ ഐ ഹോസ്പിറ്റലുമായി സഹകരിച്ച് നേത്രപരിശോധന ക്യാമ്പ് നടത്തി. ഇരുന്നൂറോളം രോഗികൾ ക്യാമ്പിൽ പരിശോധനക്കെത്തി. തിമിര ശസ്ത്രക്രിയ നിർദേശിക്കപ്പെട്ട രോഗികൾക്ക് കോഴിക്കോട് മലബാർ കണ്ണാശുപത്രിയിൽ സൗജന്യമായി ശസ്ത്രക്രിയ ചെയ്തുകൊടുക്കുന്നതിനുള്ള സംവിധാനമേർപ്പെടുത്തിയിട്ടുണ്ടെന്ന് ആശുപത്രി അധികൃതർ അറിയിച്ചു. മലബാർ ഐ ഹോസ്പിറ്റൽ ചെയർമാൻ ഡോ. ചന്ദ്രകാന്ത് ക്യാമ്പ് ഉദ്ഘാടനം ചെയ്തു. പി.ടി.എ പ്രസിഡൻറ് എം.കെ. മുനീർ അധ്യക്ഷത വഹിച്ചു. എം.എ. മൗലവി വിലാതപുരം, സ്കൂൾ മാനേജർ മുഹമ്മദ് റഫീഖ്, ഹെഡ്മിസ്ട്രസ് ശ്രീലത എന്നിവർ സംസാരിച്ചു. ഡോ. അഞ്ജന, കെ.കെ. ഉബൈദ് മാസ്റ്റർ, സായൂജ് മാസ്റ്റർ, ഷമീമ ടീച്ചർ എന്നിവർ ക്യാമ്പിന് നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.