കുറ്റ്യാടി: കുറ്റ്യാടിപ്പുഴയുടെ തീരങ്ങൾ സംരക്ഷിക്കാൻ റിവർ മാനേജ്മെൻറ് ഫണ്ട് ഉപയോഗിച്ച് പുഴഭിത്തി സംരക്ഷിക്കണമെന്ന് മുല്ലപ്പള്ളി രാമചന്ദ്രൻ എം.പി സർക്കാറിനോട് ആവശ്യപ്പെട്ടു. കുറ്റ്യാടി, വേളം പഞ്ചായത്തുകളിലെ ദുരിതാശ്വാസ കേന്ദ്രങ്ങൾ സന്ദർശിച്ചതിന് ശേഷം സംസാരിക്കുകയായിരുന്നു അദ്ദേഹം. കനത്ത മഴയെ തുടർന്ന് കുറ്റ്യാടിപ്പുഴയിൽ ക്രമാതീതമായി വെള്ളം വർധിക്കുകയാണെന്നും നൂറിലധികം കുടുംബങ്ങൾ അപകട ഭീഷണി നേരിടുകയാണെന്നും അദ്ദേഹം പറഞ്ഞു. കുറ്റ്യാടി, വേളം പഞ്ചായത്തുകളിലെ എടോൻചാൽ, ശാന്തിനഗർ, ഉത്തായിൽ എന്നീ സ്ഥലങ്ങളിലെ ദുരിതാശ്വാസ കേന്ദ്രങ്ങൾ അദ്ദേഹം സന്ദർശിച്ചു. മുയ്യോട്ടുമ്മൽ മോളി, എം. ഗോപാലൻ, മഠത്തിൽ ശ്രീധരൻ, ശ്രീജേഷ് ഊരത്ത്, കെ.സി. ബാബു. എന്നിവർ അനുഗമിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.