കുറ്റ്യാടി: കുഞ്ഞുങ്ങൾ എനിക്ക് ഏറെ ജീവനാണെന്നും അവർക്കുവേണ്ടിയാണ് ജീവിക്കുന്നതെന്നും കഫീൽ ഖാൻ. ഐഡിയൽ പബ്ലിക് സ്കൂളിൽ നൽകിയ സ്വീകരണത്തിൽ സംസാരിക്കുകയായിരുന്നു അദ്ദേഹം. കുരുന്നുകളുടെ സ്നേഹവാത്സല്യത്തിൽ അദ്ദേഹം ഏറെ സന്തോഷവാനായി. അവരുമായി സെൽഫിയെടുത്തും പാട്ടുപാടിയും ഏറെനേരം ചെലവഴിച്ചു. യു.പിയിലെ ഗോരഖ്പൂരിൽ ഓക്സിജൻ കിട്ടാതെ മരിച്ച കുട്ടികളുടെ ജീവൻ രക്ഷിക്കാൻ ഓടിനടന്ന തന്നെ യു.പി സർക്കാർ കുറ്റക്കാരനാക്കി ഒമ്പതുമാസത്തോളം ജയിലിലടച്ചതടക്കം തെൻറ പീഡാനുഭവങ്ങൾ കുട്ടികളോട് പറഞ്ഞു. പ്രിൻസിപ്പൽ മുഹമ്മദ് ഇഖ്ബാൽ അധ്യക്ഷത വഹിച്ചു. കെ.കെ. ഇബ്രാഹിം, കെ.സി. കുഞ്ഞമ്മദ്, ടി. ഫൈസൽ, പി. ശാന്ത, ഫൈസൽ പാലോളി, പ്രകാശൻ, സബീഷ് തൊട്ടിൽപാലം, തുഫൈൽ മുനീർ എന്നിവർ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.