കോഴിക്കോട്: ലേഡീസ് കമ്പാർട്ട്മെൻറിൽ പുരുഷന്മാർ യാത്ര ചെയ്യുന്നതായി പരാതി. ഞായറാഴ്ച രാത്രി കുറ്റിപ്പുറത്തുനിന്ന് കോഴിക്കോേട്ടക്ക് കയറിയ വനിത യാത്രക്കാരുടെ പരാതിയിൽ റെയിൽവേ ഇടപെെട്ടങ്കിലും പലപ്പോഴും ഇതാണവസ്ഥ. എടപ്പാൾ സ്വദേശികളായ വീട്ടമ്മയും കുട്ടികളും രാത്രി 8.45ന് തൃശൂർ -കോഴിക്കോട് പാസഞ്ചറിലെ ലേഡീസ് കമ്പാർട്ട്മെൻറിൽ കയറിയപ്പോഴായിരുന്നു പുരുഷന്മാരായ നിരവധിപേർ കമ്പാർട്ട്മെൻറിലുള്ളതായി ശ്രദ്ധയിൽപ്പെട്ടത്. ഇവരോട് മറ്റ് കമ്പാർട്ട്മെൻറിലേക്ക് പോവാൻ സ്ത്രീകൾ നിർദേശിച്ചെങ്കിലും പലരും കൂട്ടാക്കിയില്ല. തുടർന്ന് സ്ത്രീകളെ യാത്രയാക്കാൻ റെയിൽവേ സ്റ്റേഷനിലെത്തിയവർ അധികൃതർക്ക് പരാതി നൽകി. ഇവരുടെ പരാതി ആർ.പി.എഫിന് കൈമാറുകയും ട്രെയിൻ തിരൂർ റെയിൽവേ സ്റ്റേഷനിലെത്തിയപ്പോൾ ആർ.പി.എഫ് ഉദ്യോഗസ്ഥർ പുരുഷന്മാരായ യാത്രക്കാരെ കമ്പാർട്ട്മെൻറിൽനിന്ന് ഇറക്കിവിടുകയും ചെയ്തു. രാത്രി 10 മണിക്കാണ് ട്രെയിൻ കോഴിക്കോെട്ടത്തിയത്്. ലേഡീസ് കമ്പാർട്ട്മെൻറുകളിൽ ഒരു ആർ.പി.എഫ് ഉദ്യോഗസ്ഥെൻറയെങ്കിലും സംരക്ഷണം വേണമെന്നത് റെയിൽേവ തീരുമാനമാണ്. എന്നാൽ, തൃശൂർ മുതൽ തിരൂർ വെര ഇൗ കമ്പാർട്ട്മെൻറിൽ ഒരു പൊലീസുകാരനും ഇല്ലായിരുന്നുവെന്നും യാത്രക്കാർ ആരോപിച്ചു. അതേസമയം, കോഴിക്കോട് ആർ.പി.എഫിെൻറ കീഴിൽനിന്ന് തിരൂർ മുതൽ കോഴിക്കോട് വരെ ഒരു ഉദ്യോഗസ്ഥെൻറ സേവനം എല്ലാ ദിവസവും നൽകാറുണ്ടെന്ന് കോഴിക്കോെട്ട റെയിൽവേ അധികൃതർ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.