വടകര: ട്രെയിനില് കടത്തുകയായിരുന്ന പുകയില ഉല്പന്നങ്ങളും വിദേശമദ്യവും പിടികൂടി. ഇതര സംസ്ഥാനങ്ങളില്നിന്നും ട്രെയിന് വഴി പുകയില ഉല്പന്നങ്ങളും, മദ്യവും കടത്തുന്നത് വര്ധിച്ച സാഹചര്യത്തില് ആര്.പി.എഫും എക്സൈസും പരിശോധന കര്ശനമാക്കി. ശനിയാഴ്ച പുലര്ച്ചെ ഒന്നിന് മംഗലാപുരം-ചെന്നൈ വെസ്റ്റ്കോസ്റ്റ് എക്സ്പ്രസില് ആര്.പി.എഫും എക്സ്സൈസും നടത്തിയ സംയുക്ത പരിശോധനയില് 55 കിലോ പുകയില ഉല്പന്നങ്ങളും ശനിയാഴ്ച രാവിലെ എട്ടിന് നേത്രാവതി എക്സ്പ്രസില് നടത്തിയ പരിശോധനയില് 16 കുപ്പി ഗോവന് നിര്മിത വിദേശമദ്യവും പിടികൂടി. ജനറല് കമ്പാര്ട്മെന്റില് സീറ്റിന് അടിയില് ഒളിപ്പിച്ച നിലയിലായിരുന്നു നിരോധിത പുകയില ഉല്പന്നങ്ങളും മദ്യവും. ആറു ബാഗുകളിലാക്കിയാണ് വിവിധതരം പുകയില ഉല്പന്നങ്ങള് സൂക്ഷിച്ചിരുന്നത്. ഷോള്ഡര് ബാഗിലാണ് മദ്യം സൂക്ഷിച്ചത്. പരിശോധനക്ക് ആര്.പി.എഫ് എ.എസ്.ഐ ടി. വിനോദ്, ക്രൈം ഇന്റലിജന്സ് സ്ക്വാഡ് എ.എസ്.ഐ മാത്യു സെബാസ്റ്റ്യന്, സോമന്, ജയചന്ദ്രന്, പ്രസീദ്, പ്രവീണ്, അനില് കുമാര്, റഷീദ് എന്നിവര് നേതൃത്വം നല്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.