വാഴയൂര്: ഫേസ്ബുക് പോസ്റ്റിനെ ആസ്പദമാക്കി കമൂറ ആര്ട്ട് കമ്യൂണിറ്റിയുടെ ബാനറില് ഫേസ്ബുക് കൂട്ടായ്മയായ ഡയലോഗ് ഗ്രൂപ്പ് നിര്മിച്ച് പുതുമുഖ സംവിധായകന് എ.കെ. സാജിദ് സംവിധാനം ചെയ്ത ഹ്രസ്വ ചിത്രം ‘മഴ പറഞ്ഞത്’ സാഫി ഇന്സ്റ്റിറ്റ്യൂട്ട് ഓഫ് അഡ്വാന്സ്ഡ് സ്റ്റഡീസിലെ എം.സി.ജെ ഡിപ്പാര്ട്ട്മെന്റില് ആദ്യ പ്രദര്ശനം നടത്തി. മാധ്യമപ്രവര്ത്തകനും നാടകകാരനും തേജസ് സീനിയര് എഡിറ്ററുമായ പി.എ.എം. ഹനീഫ് ചിത്രത്തിന്െറ സീഡി മാധ്യമപ്രവര്ത്തകനും ചിത്രത്തിലെ പ്രധാന അഭിനേതാവുമായ കെ.എ. സൈഫുദ്ദീന് കൈമാറി പ്രകാശനം ചെയ്തു. വയനാടിന്െറ പശ്ചാത്തലത്തിലൊരുക്കിയ 15 മിനിറ്റ് ദൈര്ഘ്യമുള്ള സിനിമ കാഴ്ചക്കപ്പുറം മനുഷ്യത്വത്തെ ഓര്മപ്പെടുത്തുന്നു. കോളജ് പ്രിന്സിപ്പല് പ്രഫ. എ.എ.എം. കുഞ്ഞി അധ്യക്ഷത വഹിച്ചു. തുടര്ന്ന് ചിത്രത്തിന്െറ ആദ്യ പ്രദര്ശനവും പിന്നണി പ്രവര്ത്തകരുമായി സംവാദവും നടന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.