നരിക്കുനി: കൃഷിഭവനുകള് മുഖേന സംഭരിച്ച പച്ചത്തേങ്ങ കേരഫെഡ് കയറ്റിക്കൊണ്ടുപോവാത്തതുമൂലം തേങ്ങ കെട്ടിക്കിടക്കുന്നത് കൃഷിഭവനുകളെ കുഴക്കുന്നു. ഇതുകാരണം സംഭരണം തല്ക്കാലത്തേക്ക് നിര്ത്തിവെച്ചിരിക്കുകയാണ്. കയറ്റിപ്പോയ തേങ്ങയുടെ പണം കിട്ടാത്തതുമൂലം കര്ഷകര്ക്ക് പണം കൊടുക്കാനും കൃഷിഭവനുകള്ക്ക് കഴിയുന്നില്ല. യഥാര്ഥ കര്ഷകരില്നിന്ന് രേഖകളുടെ അടിസ്ഥാനത്തിലാണ് നിശ്ചിത എണ്ണം പച്ചത്തേങ്ങ കൃഷിഭവനുകള് സംഭരിക്കുന്നത്. കിലോക്ക് 18 രൂപ മാര്ക്കറ്റിലുള്ളപ്പോള് 25 രൂപക്കാണ് കൃഷിഭവനുകള് സംഭരിക്കുന്നത്. ഇതുമൂലം കര്ഷകര്ക്ക് ഏറെ ആശ്വാസം ലഭിച്ചിരുന്നു. എന്നാല്, സംഭരണം സ്തംഭനാവസ്ഥയിലായത് നാളികേര കര്ഷകരെ നിരാശയിലാക്കിയിരിക്കുക യാണ്. തേങ്ങ കയറ്റിപ്പോയാല് സംഭരണം തുടങ്ങുമെന്ന് കൃഷിഭവനില്നിന്ന് പറയുന്നുണ്ടെങ്കിലും എന്ന് കയറ്റിപ്പോകുമെന്ന് നിശ്ചയമില്ലാത്തതിനാല് കര്ഷകര്ക്ക് കൃത്യമായ മറുപടി നല്കാന് കഴിയുന്നില്ല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.