ഫറോക്ക്: കേരള ടെക്സ്റ്റൈല്സ് കോര്പറേഷനു കീഴിലുള്ള പൊതുമേഖലാ സ്ഥാപനമായ തിരുവണ്ണൂരിലെ കോട്ടണ് മില് തൊഴിലാളികളുടെ മാസങ്ങളായി മുടങ്ങിക്കിടന്ന ശമ്പളം നല്കിത്തുടങ്ങി. ചൊവ്വാഴ്ച ഉച്ചക്ക് ഒരു മണിയോടു കൂടിയാണ് തൊഴിലാളികള്ക്ക് ശമ്പളം നല്കിത്തുടങ്ങിയത്. മാസങ്ങളായി ശമ്പളം നല്കാത്തതിനെ തുടര്ന്ന് കഴിഞ്ഞ കുറേ ദിവസങ്ങളായി തൊഴിലാളികള് നടത്തിവന്ന പണിമുടക്ക് പ്രതിഷേധവും ഉപരോധ സമരവും ശമ്പളം നല്കാമെന്ന ഉറപ്പിനാല് താല്ക്കാലികമായി കഴിഞ്ഞ 23ന് അവസാനിപ്പിച്ചിരുന്നു. ജൂലൈ 22ന് നല്കാമെന്നേറ്റ ശമ്പളം മുടങ്ങിയതിനെ തുടര്ന്ന് കഴിഞ്ഞ ആഴ്ചകളില് തൊഴിലാളികള് തൊഴിലെടുക്കാതെ കമ്പനിക്കുള്ളില് പ്രതിഷേധസമരം നടത്തുകയായിരുന്നു. തൊഴിലാളികള്ക്കും ട്രേഡ് യൂനിയന് നേതാക്കള്ക്കും കമ്പനി അധികൃതര് നല്കിയ ഉറപ്പ് രണ്ട് തവണയും കമ്പനി അധികൃതര് ലംഘിച്ചിരുന്നു. സമരവുമായി ബന്ധപ്പെട്ട് കോട്ടണ് മില്ലിന് ഉള്ളില് തൊഴിലാളികള് ജോലിയെടുക്കാതെയാണ് പ്രതിഷേധ സമരം തീര്ത്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.