ചങ്ങനാശ്ശേരി: വാഴൂർ റോഡിൽ മാമ്മൂട് വളവിൽ വൻ ശബ്ദത്തോടെ പൈപ്പ് പൊട്ടി റോഡ് തകർന്നു. സമീപത്തെ വ്യാപാര സ്ഥാപനങ്ങളിൽ വെള്ളം കയറി. വ്യാഴാഴ്ച ഉച്ചക്ക് 1.30നാണ് സംഭവം. വെള്ളം ശക്തിയായി പുറത്തേക്ക് ഒഴുകിയതിനെത്തുടർന്ന് റോഡ് തോടായി. വാഹനങ്ങൾ പോകുന്നതിനനുസരിച്ച് തകർന്നഭാഗം താഴുന്നുണ്ട്. വാഴൂർ റോഡിൽ മാമ്മൂട് വളവിൽ അപകടം പതിവായ ഭാഗമാണിത്. വേനൽ കടുത്ത് ശുദ്ധജലക്ഷാമം രൂക്ഷമായ സാഹചര്യത്തിലാണ് പതിനായിരക്കണക്കിനു ലിറ്റർ വെള്ളം പാഴാവുന്നത്. റോഡിന് വീതി കൂട്ടിയതോടെ പൈപ്പ് ലൈൻ റോഡിന് നടുവിലൂടെയാണ് കടന്നുപോവുന്നത്. മല്ലപ്പള്ളി പമ്പ് ഹൗസിൽനിന്നുള്ള കണക്ഷനാണിത്. പൈപ്പ് ലൈൻ തകരാർ പരിഹരിച്ച് റോഡ് ഗതാഗത യോഗ്യമാക്കണമെന്നാണ് നാട്ടുകാരുടെ ആവശ്യം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.