പത്തനംതിട്ട: ഇരുചക്രവാഹനങ്ങളുമായി സ്കൂളുകളിെലത്തിയ വിദ്യാർഥികൾ കുടുങ്ങി. ലൈസൻസില്ലാതെ വാഹനം ഒാടിച്ചവരാണ് പൊലീസ് പരിശോധനയിൽെപട്ടത്. ജില്ലയിലാകെ വിദ്യാർഥികൾ ഓടിച്ച 69 ഇരുചക്രവാഹനങ്ങളാണ് പിടിയിലായത്. ജില്ലയിലെ സ്കൂൾ പരിസരങ്ങളിൽ നടത്തിയ പരിശോധനയിലാണ് ഇത്. വിവരം രക്ഷിതാക്കളെ അറിയിച്ച് സ്റ്റേഷനിൽ വിളിച്ചുവരുത്തി താക്കീത് നൽകുകയും ചെയ്തു. ലൈസൻസ് ഇല്ലാതെ വാഹനം ഒാടിച്ചതിനു വിദ്യാർഥികൾക്ക് പിഴയും ചുമത്തി. ലൈസൻസ് ഇല്ലാതെ സ്കൂൾ പരിസരങ്ങളിൽ വിദ്യാർഥികൾ അമിതവേഗത്തിൽ എത്തുന്നു എന്നു വിവിധ ഭാഗങ്ങളിൽനിന്ന് പരാതികൾ ലഭിച്ചതിെൻറ അടിസ്ഥാനത്തിലായിരുന്നു പരിശോധന. രക്ഷിതാക്കൾ ഹാജരാകാത്ത വിദ്യാർഥികളിൽനിന്ന് പിടിച്ചെടുത്ത വാഹനങ്ങൾ സ്റ്റേഷനുകളിൽ സൂക്ഷിച്ചിരിക്കുകയാണ്. കർശന പരിശോധന തുടരുമെന്ന് ജില്ല പൊലീസ് മേധാവി സതീഷ് ബിനോ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.