റാന്നി: റാന്നി-ഇട്ടിയപ്പാറ-ഐത്തല റോഡ് ശോച്യാവസ്ഥയിൽ പ്രതിഷേധിച്ച് നാട്ടുകാർ കുഴികളിൽ വാഴനട്ടും പ്രതീകാത്മകമായി റീത്തുെവച്ചും പ്രതിഷേധിച്ചു. നിത്യേന നൂറുകണക്കിന് വാഹനങ്ങൾ കടന്നുപോകുന്ന റോഡ് ഗതാഗതയോഗ്യമല്ലാതായിട്ട് വർഷങ്ങൾ പിന്നിട്ടു. വാഹനങ്ങൾ അപകടത്തിൽപെടുകയും ഇരുചക്രവാഹന യാത്രക്കാർ കുഴികളിൽ വീഴുന്നത് നിത്യസംഭവമാകുകയും ചെയ്തതോടെ നാട്ടുകാർ റോഡ് നവീകരിക്കണമെന്ന് ആവശ്യപ്പെട്ടിട്ടും പൊതുമരാമത്തോ ജനപ്രതിനിധികളോ നടപടി സ്വീകരിച്ചില്ല. മഴക്കാലമായതോടെ കെട്ടിക്കിടക്കുന്ന മലിനജലം റോഡരികിലെ വ്യാപാര സ്ഥാപനങ്ങളിലേക്കും വീടുകളിലേക്കും തെറിച്ചുവീഴുന്നതും പ്രദേശവാസികളെ ഏറെ ബുദ്ധിമുട്ടിലാക്കി. ഓടകൾ നിർമിക്കാതെ അശാസ്ത്രീയമായി റോഡ് നിർമിക്കുന്നതാണ് റോഡ് വേഗത്തിൽ തകരുന്നതിനു കാരണമെന്നാണ് നാട്ടുകാരുടെ ആക്ഷേപം. റോഡ് അടിയന്തരമായി നവീകരിക്കാത്തപക്ഷം ഉപരോധമടക്കം ശക്തമായ സമരപരിപാടികൾക്ക് രൂപം നൽകാനൊരുങ്ങുകയാണ് നാട്ടുകാർ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.