പത്തനംതിട്ട: പ്രതിപക്ഷ നേതാവ് രമേശ് ചെന്നിത്തല നയിക്കുന്ന പടയൊരുക്കം ജാഥ സ്വീകരിക്കുന്നതിനുള്ള ഒരുക്കം ജില്ലയില് പൂര്ത്തിയായതായി യു.ഡി.എഫ് ജില്ല ചെയർമാൻ പന്തളം സുധാകരൻ, കൺവീനർ ജോ എണ്ണക്കാട്, ഡി.സി.സി പ്രസിഡൻറ് ബാബു ജോര്ജ് എന്നിവർ വാര്ത്തസമ്മേളനത്തില് അറിയിച്ചു. 25നാണ് ജില്ലയിലെ പര്യടനം. സിഗ്നേച്ചര് കാമ്പയിനില് നാലുലക്ഷത്തിലേറെ പേര് ഒപ്പിട്ടു കഴിഞ്ഞു. അഞ്ചുലക്ഷം ൈകയൊപ്പുകള് ശേഖരിച്ച് പ്രതിപക്ഷനേതാവിനു കൈമാറും. 25ന് രാവിലെ ഒമ്പതിന് തിരുവല്ല ടി.ബിയില് നടക്കുന്ന സംസ്കാരിക സംഗമത്തില് ജില്ലയിലെ സാമൂഹിക-സാംസ്കാരിക മേഖലയിലെ പ്രമുഖരുമായി രമേശ് ചെന്നിത്തല ആശയവിനിമയം നടത്തും. 10ന് തിരുവല്ല പ്രൈവറ്റ് ബസ് സ്റ്റാൻഡില് സ്വീകരണ സമ്മേളനം, 11ന് റാന്നി ഇട്ടിയപ്പാറ, നാലിന് കോന്നിയില്, അഞ്ചിന് അടൂരില്, ആറിന് പത്തനംതിട്ട പഴയ പ്രൈവറ്റ് ബസ് സ്റ്റാൻഡില് സമാപന സമ്മേളനം. സ്വീകരണ സമ്മേളനത്തില് മഹിള കോണ്ഗ്രസ് അഖിലേന്ത്യ പ്രസിഡൻറ് സുഷ്മിത ദേവ് എം.പി, വി.എം. സുധീരന്, കെ. മുരളീധരന് എം.എൽ.എ തുടങ്ങിയവർ പങ്കെടുക്കും. കെ.പി.സി.സി സെക്രട്ടറി പഴകുളം മധു, ഡി.സി.സി വൈസ് പ്രസിഡൻറ് വെട്ടൂര് ജ്യോതിപ്രസാദ് എന്നിവരും വാര്ത്തസമ്മേളനത്തില് പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.