ഈരാറ്റുപേട്ട: മേലുകാവ്-പെരിങ്ങാലി-ഇലവീഴാപൂഞ്ചിറ റോഡ് നിര്മാണം ഉടന് പൂര്ത്തിയാക്കണമെന്ന് ആവശ്യപ്പെട്ട് നാട്ടുകാര് ഈരാറ്റുപേട്ട–തൊടുപുഴ റോഡിൽ കാഞ്ഞിരംകവലയില് സംസ്ഥാനപാത ഉപരോധിച്ചു. 2012ല് ആരംഭിച്ച റോഡ് പണി പൂര്ത്തിയാക്കാത്തത് കരാറുകാരെൻറ അനാസ്ഥയാണെന്ന് ആരോപിച്ചായിരുന്നു ഉപരോധം. കുടുംബശ്രീ പ്രവര്ത്തകരുടെ നേതൃത്വത്തില് നടത്തിയ സമരത്തില് നാട്ടുകാരും ഓട്ടോ, ടാക്സി ഡ്രൈവര്മാരും പങ്കെടുത്തു. മേലുകാവ് ഗ്രാമപഞ്ചായത്ത് പ്രസിഡൻറ് ഷീബാമോള് ജോസഫ് ഉദ്ഘാടനം ചെയ്തു. സി.ഡി.എസ് ചെയര്പഴ്സണ് അന്നമ്മ നോബിള് അധ്യക്ഷത വഹിച്ചു. ബ്ലോക്ക് പഞ്ചായത്ത് അംഗം മറിയാമ്മ ഫെര്ണാണ്ടസ്, സി.എം. സുരേഷ്, ജെറ്റോ ജോസഫ്, സന്തോഷ് ജോണ്, അജി ജയിംസ്, ജോസഫ് പുട്ടിലാനി, ക്രൈസ്റ്റ് കത്തീഡ്രല് അസി. വികാരി ബെന് ആല്ബര്ട്ട് തുടങ്ങിയവര് സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.