കോട്ടയം: മഴയിൽ കടപുഴകിയ തണൽമരം വഴിയാത്രക്കാരെൻറ ശരീരത്ത് പതിച്ചു. പരിക്കേറ്റ ഇയാൾ രക്ഷപ്പെട്ടു. വടവാതൂർ ഇ.എസ്.ഐ ഭാഗത്ത് വലിയപാറയിൽ സുനിലിനാണ് (47) പരിക്കേറ്റത്. ചൊവ്വാഴ്ച രാവിലെ ഒമ്പതിന് വടവാതൂർ കവലയിലാണ് അപകടം. നിർമാണത്തൊഴിലാളിയായ സുനിൽ ജോലിക്ക് പോകുന്നതിന് വടവാതൂർ ഇ.എസ്.ഐ ഭാഗത്തുനിന്ന് കവലയിലേക്കു നടന്നുവരുന്നതിനിടെ പഞ്ചായത്ത് ഓഫിസിനു മുൻവശത്ത് റോഡരികിൽനിന്ന വലിയ തണൽ മരം കടപുഴകുകയായിരുന്നു. തലക്കും കൈക്കും പരിക്കേറ്റ സുനിലിനെ കോട്ടയം ജില്ല ആശുപത്രിയിൽ പ്രവേശിപ്പിച്ചു. തോളെല്ലിന് പൊട്ടലുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.