അടിമാലി: രണ്ടര വര്ഷം മുമ്പുണ്ടായ വാഹനാപകടത്തില് പരിക്കേറ്റ് അബോധാവസ്ഥയില് ചികിത്സയിലിരുന്ന യുവാവ് മരിച്ചു. അടിമാലി മാറാച്ചേരി പുത്തയത്ത് എം.ഐ. അബ്രഹാമിെൻറ മകന് എം.എ. ബിജുവാണ് (45) മരിച്ചത്. 2014 ഡിസംബര് ആറിനാണ് ബിജുവിന് അപകടം സംഭവിച്ചത്. എറണാകുളം കാക്കനാട്ടുെവച്ച് റോഡ് മുറിച്ചുകടക്കാന് ശ്രമിക്കുന്നതിനിടെ ടിപ്പര് ലോറി ഇടിച്ചുവീഴ്ത്തുകയായിരുന്നു. റോഡില് തലയടിച്ചു വീണതിനെ തുടര്ന്ന് തലയോട്ടിക്കുണ്ടായ പൊട്ടലാണ് അബോധാവസ്ഥയിലാകാന് കാരണമായത്. കോമ സ്റ്റേജില് രണ്ടരവര്ഷം ചികിത്സ ചെയ്തിട്ടും ഫലമുണ്ടായില്ല. അടിമാലി താലൂക്ക് ആശുപത്രിയില്വെച്ച് തിങ്കളാഴ്ച രാത്രിയാണ് മരണം സംഭവിച്ചത്. എറണാകുളം ഇടപ്പിള്ളി പൊലീസ് സ്ഥലത്തെത്തി മേല്നടപടി സ്വീകരിച്ചു. ചൊവ്വാഴ്ച വൈകീട്ട് അടിമാലി സെൻറ് ജോര്ജ് യാക്കോബായ കത്തീഡ്രലില് സംസ്കാരം നടന്നു. ബിജു അവിവാഹിതനാണ്. അടിമാലി ഇടക്കാട്ട് ശോശാമ്മയാണ് മാതാവ്. സഹോദരങ്ങള്: പരേതനായ ബെന്നി, ബിനു, ബിജി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.