കോട്ടയം: വില്ലേജോഫിസുകളിൽ വിജിലൻസ് പരിശോധന നടത്തി. ജില്ലയിലെ അയ്മനം, ഓണംതുരുത്ത്, കുറിച്ചി, അയർക്കുന്നം, മീനടം, വില്ലേജോഫിസുകളിലായിരുന്നു പരിശോധനാസംഘമെത്തിയത്. സർട്ടിഫിക്കറ്റുകൾ യഥാസമയം നൽകുന്നതിലെ വീഴ്ച എല്ലായിടത്തും പരിശോധനാസംഘം കണ്ടെത്തി. ജാതി, വരുമാന സർട്ടിഫിക്കറ്റുകൾക്കുള്ള അപേക്ഷകളായിരുന്നു കാരണംകൂടാതെ തടഞ്ഞുവെച്ചതിൽ ഏറെയും. പോക്കുവരവ് സംബന്ധിച്ച ക്രമക്കേടും കണ്ടെത്തി. രജിസ്റ്ററിൽ രേഖപ്പെടുത്താത്ത നിരവധി അപേക്ഷകളാണ് സെക്ഷനുകളിൽനിന്ന് കണ്ടെടുത്തത്. അന്വേഷണ റിപ്പോർട്ട് റവന്യുവകുപ്പിന് കൈമാറുമെന്ന് വിജിലൻസ് എസ്.പി എസ്. സുരേഷ്കുമാർ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.