തലയോലപ്പറമ്പ്: മലയാളഭാഷക്കും സാഹിത്യത്തിനും വിശിഷ്ട സംഭാവനകൾ അർപ്പിച്ചവർക്ക് വൈക്കം മുഹമ്മദ് ബഷീറിെൻറ കൃതിയുടെ പേരിൽ അദ്ദേഹത്തിെൻറ ജന്മനാട് നൽകുന്ന ബഹുമതിയായ ബാല്യകാലസഖി പുരസ്കാരത്തിന് മലയാള ചെറുകഥാകൃത്തും പത്രപ്രവർത്തകനും നോവലിസ്റ്റുമായ യു.കെ. കുമാരനെ തെരഞ്ഞെടുത്തു. കാലിക്കറ്റ് സർവകലാശാല ബഷീർ ചെയർ മേധാവി ഡോ. എം.എം. ബഷീർ ചെയർമാനും ഭാരത് വിഷൻ സെക്രട്ടറി പ്രമോദ് പയ്യന്നൂർ, ബഷീർ സ്മാരക സമിതി ചെയർമാൻ കിളിരൂർ രാധാകൃഷ്ണൻ, പ്രഫ. എം.എ. റാം, എം. സരിതാവർമ എന്നിവർ അടങ്ങുന്ന സമിതിയാണ് യു.കെ. കുമാരനെ തെരഞ്ഞെടുത്തത്. ബഷീറിെൻറ 23-ാം ചരമവാർഷികമായ ജൂലൈ അഞ്ചിന് ജന്മനാടായ തലയോലപ്പറമ്പിൽ നടക്കുന്ന അനുസ്മരണ സമ്മേളനത്തിൽ 10001 രൂപയും ഫലകവും പ്രശസ്തിപത്രവും നൽകുമെന്ന് വൈക്കം മുഹമ്മദ് ബഷീർ സ്മാരക സമിതി ഭാരവാഹികളായ കിളിരൂർ രാധാകൃഷ്ണൻ, ഡോ. പോൾ മണലിൽ, പി.ജി. ഷാജിമോൻ, അഡ്വ. ടോമി കല്ലാനി, ഡോ. യു. ഷംല, മോഹൻ ഡി. ബാബു, പ്രഫ. കെ.എസ്. ഇന്ദു, ഡോ. അംബിക എ. നായർ, വൈക്കം എം.കെ. ഷിബു എന്നിവർ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.