കോട്ടയം: രാഷ്ട്രീയത്തിൽ സാന്നിധ്യമുറപ്പിക്കാൻ ഉഴവൂർ വിജയൻ സ്വന്തം പേര് തിരുത്തി. സെൻറ് സ്റ്റീഫൻസ് കോളജിൽ കെ.എസ്.യു വിദ്യാർഥി രാഷ്ട്രീയത്തിലൂടെ പൊതുരംഗത്തേക്ക് കടന്നെത്തിയപ്പോഴായിരുന്നു പേരുമാറ്റം. പഠനകാലത്ത് പ്രസംഗവേദികളിൽ നിറഞ്ഞുനിന്ന കാരാംകുന്നേൽ കെ.ജി. വിജയൻ ആദ്യകാല തട്ടകമായ കോൺഗ്രസിൽ പിടിച്ചുനിൽക്കാൻ പേര് 'ഉഴവൂർ വിജയൻ' എന്നാക്കി മാറ്റുകയായിരുന്നു. കെ.എസ്.യുവിെൻറ സാധാരണ പ്രവർത്തകനിൽനിന്ന് യൂത്ത് കോൺഗ്രസ് നേതൃനിരയിലേക്ക് ഉയർന്ന അക്കാലത്തും വാക്കുകൾകൊണ്ട് എതിരാളികളെ നേരിടുകയെന്ന ശൈലിയാണ് അദ്ദേഹം സ്വീകരിച്ചത്. മുഖ്യമന്ത്രി സംസ്കാരത്തിൽ സംബന്ധിക്കും കോട്ടയം: അന്തരിച്ച എൻ.സി.പി സംസ്ഥാന പ്രസിഡൻറ് ഉഴവൂർ വിജയെൻറ സംസ്കാരചടങ്ങിൽ മുഖ്യമന്ത്രി പിണറായി വിജയൻ, എൻ.സി.പി ദേശീയ ജനറൽ സെക്രട്ടറി താരിഖ് അൻവർ എം.പി, മന്ത്രിമാർ, എം.എൽ.എമാർ തുടങ്ങിയവർ സംബന്ധിക്കുമെന്ന് നേതാക്കൾ അറിയിച്ചു. ഒൗദ്യോഗിക ബഹുമതികളോടെ തിങ്കളാഴ്ച 12ന് കുറിച്ചിത്താനത്തെ വീട്ടുവളപ്പിലാണ് സംസ്കാരം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.