എരുമേലി: മാലിന്യം അടിഞ്ഞുകൂടിയ എരുമേലി ശ്രീധര്മ ശാസ്ത ക്ഷേത്രത്തിനു മുന്ഭാഗത്തുള്ള കുളിക്കടവും പരിസരവും പൊലീസ് ശുചിയാക്കി. ബലിതര്പ്പണത്തിെൻറ ഭാഗമായി നൂറുകണക്കിന് വിശ്വാസികള് എത്തുന്ന ക്ഷേത്രക്കടവിലെ ശുചീകരണം എരുമേലി, മണിമല പൊലീസിെൻറ ആഭിമുഖ്യത്തിലാണ് നടന്നത്. ക്ഷേത്രത്തിനു മുന്ഭാഗത്തെ കടവ് ചളിനിറഞ്ഞ് വൃത്തിഹീനമായിരുന്നു. ശബരിമല തീര്ഥാടനകാലത്ത് അടിഞ്ഞുകൂടിയ മാലിന്യം ഉള്പ്പെടെയുള്ളവയാണ് ഇരുപതോളം പൊലീസുകാരുടെ നേതൃത്വത്തില് ശുചീകരിച്ചത്. ബലിതര്പ്പണത്തിന് എത്തുന്ന വിശ്വാസികള്ക്ക് സൗകര്യം ഒരുക്കുകയെന്ന ലക്ഷ്യത്തോടെ പൊലീസുതന്നെ മുന്നിട്ടിറങ്ങുകയായിരുന്നു. മണിമല സി.ഐ ടി.ഡി. സുനില്കുമാര്, എരുമേലി എസ്.ഐ ജര്ലിന് വി. സ്കറിയ എന്നിവരുടെ നേതൃത്വത്തിലുള്ള പൊലീസുകാരാണ് ശുചീകരണവുമായി രംഗത്തിറങ്ങിയത്. വൈകീട്ട് മൂേന്നാടെ ആരംഭിച്ച ശുചീകരണം രണ്ടുമണിക്കൂറുണ്ടായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.