മൂന്നാർ: മറയൂരിൽനിന്ന് ദേവികുളത്തേക്ക് മടങ്ങും വഴി ഔദ്യോഗിക വാഹനം തലകീഴായി മറിഞ്ഞ് ദേവികുളം സബ് കലക്ടർ വി.ആർ. പ്രേം കുമാറിനും ഗൺമാൻ റോണിക്കും പരിക്ക്. സബ് കലക്ടറുടെ മൂക്കിനും ഗൺമാെൻറ തോളിനുമാണ് പരിക്കേറ്റത്. സബ് കലക്ടറുടെ മൂക്കിന് അടിയന്തര ശസ്ത്രക്രിയ നടത്തി. ഞായറാഴ്ച പുലർച്ച ഒരു മണിയോടെ മറയൂർ--മൂന്നാർ സംസ്ഥാനപാതയിൽ വാഗുവരൈ ടീ ഫാക്ടറിക്ക് സമീപം 30 അടി താഴ്ചയിൽ തോട്ടിലേക്കാണ് വാഹനം മറിഞ്ഞത്. ഗൺമാനാണ് വാഹനം ഓടിച്ചിരുന്നത്. വഴിയിൽ കനത്ത മഴയും മഞ്ഞുമുണ്ടായിരുന്നു. അതിനിടെ ഡ്രൈവർ ഉറങ്ങിപ്പോയതാകാം അപകടകാരണമെന്നാണ് കരുതുന്നത്. ശബ്ദം കേട്ടെത്തിയ വാഗുവരൈ ഫാക്ടറിയിലെ തൊഴിലാളികളാണ് പരിക്കേറ്റ് വാഹനത്തിൽ കുടുങ്ങിക്കിടന്ന ഇരുവരെയും പുറത്തെത്തിച്ചത്. കമ്പനി വാഹനത്തിൽ മൂന്നാറിലെ ടാറ്റ ടീ ആശുപത്രിയിൽ പ്രവേശിപ്പിച്ചു. TDG2, TDG3 ദേവികുളം സബ്കലക്ടർ സഞ്ചരിച്ച കാർ വാഗുവരൈയിൽ മറിഞ്ഞ് തകർന്ന നിലയിൽ
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.