കട്ടപ്പന: പൊലീസ് കൈകാണിച്ചിട്ട് നിർത്താതെ പോയവരെ തടയാൻ ശ്രമിച്ച ഹോം ഗാർഡിനെ ബൈക്കിടിപ്പിച്ച രണ്ടുപേരെ കട്ടപ്പന പൊലീസ് അറസ്റ്റ് ചെയ്തു. ഇരട്ടയാർ ശാന്തിഗ്രാം പാറത്തരികത്ത് മഹേഷ് (22), ശാന്തിഗ്രാം നാലുസെൻറ് കോളനി ഉറുമ്പനാടൻ പറമ്പിൽ വിനീത് (19) എന്നിവരാണ് പിടിയിലായത്. ഞായറാഴ്ച രാവിലെ പത്തോടെയാണ് സംഭവം. ട്രാഫിക് എസ്.ഐയുടെ നേതൃത്വത്തിൽ ചേന്നാട്ടുമറ്റം ജങ്ഷനിൽ വാഹന പരിശോധന നടത്തുകയായിരുന്നു. ഈ സമയം പ്രതികൾ ഹെൽമറ്റ് ധരിക്കാതെ ബൈക്കിൽ വരുന്നത് കണ്ട് കൈകാണിച്ചെങ്കിലും നിർത്താതെ പോയി. ഇടുക്കിക്കവലയിൽ ഗതാഗതം നിയന്ത്രിച്ചിരുന്ന ഹോം ഗാർഡ് കേശവൻ നായരെ ഇടിച്ചിട്ട് 15 മീറ്ററോളം റോഡിലൂടെ നിരക്കിക്കൊണ്ടുപോയി. സാരമായി പരിക്കേറ്റ കേശവൻ നായർ സ്വകാര്യ ആശുപത്രിയിൽ ചികിത്സയിലാണ്. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.