വാഴൂർ: ദേശീയപാതയിൽ വാഴൂർ 18-ാം മൈലിൽ സ്വകാര്യ ബസ് നിയന്ത്രണം വിട്ട് വൈദ്യുതി പോസ്റ്റിൽ ഇടിച്ചു. അപകടം ഉണ്ടായ ഉടൻ വൈദ്യുതി ബന്ധം വിച്ഛേദിക്കപ്പെട്ടതിനാൽ ദുരന്തം ഒഴിവായി. ആർക്കും പരിക്കില്ല. വൈദ്യുതി പോസ്റ്റ് ഒടിഞ്ഞ് ബസിനു മുകളിലേക്ക് വീണു. ലൈനും ബസിനു മുകളിൽ പതിച്ചു. മേലെ ചിന്നാറിൽനിന്ന് കോട്ടയത്തേക്ക് വരുകയായിരുന്ന സെൻറ് മരിയ ബസാണ് അപകടത്തിൽപെട്ടത്. തിങ്കളാഴ്ച ഉച്ചക്ക് ഒന്നോടെയായിരുന്നു അപകടം. മറ്റൊരു വാഹനത്തിനെ മറികടക്കാൻ ശ്രമിക്കുന്നതിനിടയായിരുന്നു അപകടം. വൈദ്യുതി പോസ്റ്റ് തകർത്ത ബസ് റോഡിനു കുറുകെ വന്ന് നിന്നതോടെ ഏറെ നേരം ദേശീയപാതയിൽ ഗതാഗതം തടസ്സപ്പെട്ടു. കാഞ്ഞിരപ്പള്ളിയിൽനിന്ന് എത്തിയ ഫയർ ഫോഴ്സും നാട്ടുകാരും ചേർന്ന് ബസും പോസ്റ്റിെൻറ അവശിഷ്ടങ്ങളും നീക്കിയ ശേഷമാണ് ഗതാഗതം പുനഃസ്ഥാപിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.