പട്ടികവിഭാഗ വിദ്യാർഥികളുടെ ആനുകൂല്യം നൽകുന്നതിലെ കാലതാമസം ഇല്ലാതാക്കണം കോട്ടയം: പട്ടികവിഭാഗക്കാർക്ക് ഉപരിപഠനത്തിനുള്ള കേന്ദ്രസർക്കാറിെൻറ സ്കോളർഷിപ്പുകളും സംസ്ഥാന സർക്കാറിെൻറ സഹായങ്ങളും കാലതാമസം കൂടാതെ ലഭിക്കാൻ നടപടി സ്വീകരിക്കണമെന്നും പദ്ധതികൾ ചുവപ്പുനാടയിൽ കുരുക്കുന്ന ഉദ്യോഗസ്ഥർക്കെതിരെ നടപടി സ്വീകരിക്കണമെന്നും ആവശ്യപ്പെട്ട് ജനതാദൾ-യു നേതൃത്വത്തിലുള്ള സോഷ്യലിസ്റ്റ് എസ്.സി, എസ്.ടി സെൻറർ പ്രസിഡൻറ് െഎ.കെ. രവീന്ദ്രരാജ് മുഖ്യമന്ത്രിക്ക് നിവേദനം നൽകി. പട്ടികജാതി-വർഗ മന്ത്രി ചെയർമാനായി എം.എൽ.എമാരെയും സംഘടന പ്രതിനിധികളെയും ഉൾപ്പെടുത്തി മോണിറ്ററിങ് കമ്മിറ്റി രൂപവത്കരിക്കണം. വിദേശപഠനത്തിന് പോകുന്നവർക്ക് സാമ്പത്തികസഹായം അനുവദിക്കാനുള്ള മാനദണ്ഡങ്ങൾ പുനഃപരിേശാധിക്കണമെന്ന ആവശ്യവും ഉന്നയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.