കൊട്ടിയം: ശമ്പളം കുടിശ്ശികയായതോടെ കടത്തുവള്ളങ്ങളിൽ ജോലിനോക്കുന്ന കടത്തുകാരുട െ ജീവിതം ദുരിതത്തിലായി. പൊതുമരാമത്ത് വകുപ്പിന് കീഴിലുള്ള കടത്തു കടവുകളിൽ ജോലി നോക്കുന്ന കടത്തുകാരാണ് ശമ്പളം കുടിശ്ശികയായതോടെ ദുരിതത്തിലായിട്ടുള്ളത്. കടത്തുകാർക്ക് അഞ്ചുമാസത്തെ ശമ്പളമാണ് കിട്ടാനുള്ളത്.
അടുത്തിടെ രണ്ടുമാസത്തെ ശമ്പളം നൽകിയെങ്കിലും കുടിശ്ശിക ശമ്പളം വിതരണംചെയ്യാൻ പൊതുമരാമത്ത് വകുപ്പ് തയാറായിട്ടില്ല. ശമ്പള കുടിശ്ശിക എന്ന് വിതരണം ചെയ്യുമെന്ന് ഉദ്യോഗസ്ഥർക്ക് പോലും പറയാൻ കഴിയുന്നില്ല. കടത്തുകാർക്കുള്ള ശമ്പള കുടിശ്ശിക ഉടൻ വിതരണംചെയ്യണമെന്ന് മത്സ്യത്തൊഴിലാളി കോൺഗ്രസ് ഇരവിപുരം ബ്ലോക്ക് സെക്രട്ടറി റാഫേൽ കുര്യൻ ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.