കട്ടപ്പന: പറിച്ചുെവച്ച കുരുമുളക് കാണാതായത് സംബന്ധിച്ച തർക്കത്തിൽ അമ്മായിയമ്മയുടെ വെട്ടേറ്റ് മരുമകൾക്ക് പരിക്ക്. സംഭവവുമായി ബന്ധപ്പെട്ട് അമ്മായിയമ്മ ആനിയമ്മയെ (62) ഉപ്പുതറ പൊലീസ് അറസ്റ്റ് ചെയ്തു. ഉപ്പുതറ നടക്കൽ ജിബിൻെറ ഭാര്യ സെമിക്കാണ് (30) ഭർതൃമാതാവ് ആനിയമ്മയുടെ വെട്ടേറ്റത്. ഞായറാഴ്ച രാവിലെ ഒമ്പതിനാണ് സംഭവം. ആനിയമ്മ ശനിയാഴ്ച പറിച്ചുവെച്ച കുരുമുളക് കാണാതെ പോയത് സംബന്ധിച്ച വാക്കുതർക്കമാണ് വെട്ടിൽ കലാശിച്ചത്. കഴുത്തിനും കൈക്കും സാരമായി മുറിവേറ്റ സെമിയെ ഉപ്പുതറ സി.എച്ച്.സിയിൽ പ്രാഥമിക ചികിത്സ നൽകിയശേഷം ഇടുക്കി മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ഉപ്പുതറ സി.ഐ കെ.പി. ജയപ്രസാദാണ് പ്രതിയെ അറസ്റ്റ് ചെയ്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.