ഒഴുകിപ്പോയ ഹൌസ് ബോട്ട് കരയ്‌ക്കെത്തിച്ചു

ഒഴുകിപ്പോയ ഹൌസ് ബോട്ട് വൈപ്പിനിൽ അടുപ്പിച്ചു വൈപ്പിൻ: ഫോർട്ട്കൊച്ചി കായലിൽനിന്നും ഒഴുകിപ്പോയ വിനോദ സഞ്ചാര ഹൗസ് ബോട്ട് സുരക്ഷിതമായി കരക്കെത്തിച്ചു. മൂന്നു ജീവനക്കാർ മാത്രമാണ് ആ സമയം കെട്ടുവള്ളത്തിലുണ്ടായിരുന്നത്. രാത്രി ഏഴുമണിയോടെയായിരുന്നു സംഭവം. സാൻറമോനിക്ക എന്ന ഹൌസ് ബോട്ട് എഞ്ചിൻ തകരാറു മൂലം എൽ.എൻ.ജി ടെർമിനലിന് പടിഞ്ഞാറു വശത്തേക്ക് ഒഴുകിപ്പോകുകയായിരുന്നു. ഒഴുക്ക് കൂടുതലായതിനാൽ മറൈൻ എൻഫോഴ്‌സ്‌മൻെറിൻെറ നിർദേശപ്രകാരം എൽ.എൻ.ജി യിൽ നിന്നുള്ള ബോട്ടും സഹായത്തിനെത്തിയിരുന്നു. രാത്രി ഒമ്പതുമണിയോടെ വൈപ്പിൻ ജെട്ടിയിൽ അടുപ്പിച്ചു