പഴന്തോട്ടം സൻെറ് മേരീസ് ഓർത്തഡോക്സ് പള്ളിയിലെ വൈദികന് മതിയായ യോഗ്യതയില്ലെന്ന് പരാതി കോലഞ്ചേരി: പഴന്തോട്ടം സൻെറ് മേരീസ് ഓർത്തഡോക്സ് പള്ളിയിലെ വൈദികന് മതിയായ യോഗ്യതയില്ലെന്ന് പരാതി. സഹവികാരി വർഗീസ് കുര്യാക്കോസിനെതിരെ ഇടവകാംഗം ഇടയനാൽ ജോണി പുത്തൻകുരിശ് പൊലീസിൽ പരാതി നൽകി. അങ്കമാലി മെത്രാപ്പോലീത്ത യൂഹാനോൻ മാർ പോളികാർപസ്, ബസേലിയോസ് പൗലോസ് ദ്വിതീയൻ കാതോലിക്ക ബാവ എന്നിവരും പരാതിയിൽ എതിർകക്ഷികളാണ്. ഓർത്തഡോക്സ് സഭയുടെ 1934ലെ ഭരണഘടനയനുസരിച്ച് വൈദികന് വേണ്ട ഒരു യോഗ്യതയും ഇദ്ദേഹത്തിനില്ല. സെമിനാരി വിദ്യാഭ്യാസവും നേടിയിട്ടില്ല. സഭാപ്രശ്നം കലുഷിതമാക്കാനാണ് ഇത്തരം നിയമനമെന്നും നിയമനടപടി സ്വീകരിക്കണമെന്നും പരാതിയിൽ ആവശ്യപ്പെട്ടിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.