കൊച്ചി: ഏപ്രിൽ 23ന് നടക്കുന്ന ലോക്സഭ തെരഞ്ഞെടുപ്പിൻെറ മുന്നോടിയായി വോട്ടിങ് മെഷീനുകളിൽ സ്ഥാപിക്കാനുള്ള ബാലറ്റ് പേപ്പറുകൾ വിതരണം ചെയ്തു. കലക്ടർ മുഹമ്മദ് വൈ. സഫീറുല്ലയുടെ സാന്നിധ്യത്തിൽ കലക്ടറേറ്റിൽനിന്ന് അസി. റിട്ടേണിങ് ഓഫിസർമാർ ബാലറ്റ് പേപ്പറുകൾ ഏറ്റുവാങ്ങി. ജില്ലയിലെ 2251 ബൂത്തുകളിലേക്കുള്ള 78,100 ബാലറ്റുകളാണ് വിതരണം ചെയ്തത്. 11 പെട്ടികളിലായാണ് ഇവ എത്തിച്ചത്. ടെന്ഡേഡ് ബാലറ്റ് 55,000, ഇ.വി.എം ബാലറ്റ് 3,100, പോസ്റ്റല് ബാലറ്റ് 20,000 എന്നിവയാണ് ആകെയുള്ളത്. വോട്ടിങ് യന്ത്രത്തിൻെറയും വിവിപാറ്റിൻെറയും രണ്ടാംഘട്ട റാന്ഡമൈസേഷന് ചൊവ്വാഴ്ച നടക്കും. ബുധനാഴ്ച വോട്ടുയന്ത്രങ്ങളിൽ സ്ഥാനാര്ഥികളുടെ പേരും ഫോട്ടോയും ചിഹ്നവും പതിക്കും. കലക്ടറുടെ അധികാരപരിധിയിൽ വരുന്ന എറണാകുളം, ചാലക്കുടി ലോക്സഭ മണ്ഡലങ്ങളിലെ പേരുപതിക്കലാണ് നടക്കുക. നിയമസഭ മണ്ഡലാടിസ്ഥാനത്തിൽ ഏഴ് കേന്ദ്രങ്ങളിൽവെച്ച് നടക്കുന്ന പേരു പതിക്കലിനു ശേഷം യന്ത്രങ്ങൾ സ്ട്രോങ് റൂമിലേക്കു മാറ്റും. തെരഞ്ഞെടുപ്പിൻെറ തലേദിവസമാണ് പ്രിസൈഡിങ് ഓഫിസർമാർക്ക് വോട്ടിങ് യന്ത്രങ്ങൾ വിതരണം ചെയ്യുക.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.