കോതമംഗലം: പിണങ്ങിക്കഴിയുന്ന ഭാര്യയെ കൊലപ്പെടുത്താൻ ഭർത്താവ് വീടിന് തീയിട്ടു. കുട്ടമ്പുഴ പിണവൂർകുടി പ്ലാക്കൂട്ടത്തിൽ ഷാജിയാണ് ഭാര്യയെ മർദിച്ചശേഷം വീടിന് തീയിട്ടത്. കുട്ടമ്പുഴ പൊലീസ് ഇയാളെ അറസ്റ്റ് ചെയ്തു. ചൊവ്വാഴ്ച രാത്രി ഏഴോടെയാണ് സംഭവം. ഭാര്യ സന്ധ്യയുമായി ഇയാൾ വർഷങ്ങളായി പിണങ്ങിക്കഴിയുകയാണ്. മദ്യലഹരിയിൽ വീട്ടിലെത്തിയ ഷാജി തന്നെ ആക്രമിക്കുകയും വീടിന് തീയിടുകയുമായിരുന്നെന്ന് സന്ധ്യ പൊലീസിന് മൊഴി നൽകി. തീ പടരുന്നത് കണ്ട് സന്ധ്യ വീട്ടിൽനിന്ന് ഓടി രക്ഷപ്പെടുകയായിരുന്നു. പതിനായിരത്തോളം രൂപയും വീട്ടുപകരണങ്ങളും കത്തിനശിച്ചു. വിവരമറിഞ്ഞ് സ്ഥലത്തെത്തിയ കുട്ടമ്പുഴ എസ്.ഐ ആർ. ശ്രീകുമാറും സി.പി.ഒ കെ. അഭിലാഷും നാട്ടുകാരുടെ സഹായത്തോടെ തീയണച്ചു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.