കൊച്ചി: തിരുവനന്തപുരം-ന്യൂഡൽഹി-തിരുവനന്തപുരം കേരള എക്സ്പ്രസ് (12625, 12626) സർവിസ് ഇനി മുതൽ എറണാകുളം ടൗൺ വഴി. നിലവിൽ ന്യൂഡൽഹിയിൽനിന്ന് തിരുവനന്തപുരത്തേക്കുവരുന്ന ട്രെയിൻ എറണാകുളം ജങ്ഷൻ വഴിയും ന്യൂഡൽഹിയിലേക്കുള്ള ട്രെയിൻ എറണാകുളം ടൗൺ വഴിയുമായിരുന്നു പോയിരുന്നത്. ഇതു വലിയ ആശയക്കുഴപ്പം സൃഷ്ടിക്കുന്നതായി യാത്രക്കാർ പരാതിപ്പെട്ടതിനെത്തുടർന്നാണ് രണ്ടു സർവിസുകളും ടൗൺ വഴിയാക്കുന്നത്. ബുധനാഴ്ച മുതൽ ഇത് പ്രാബല്യത്തിൽവരും. ട്രാക്ക് അറ്റകുറ്റപ്പണി നടക്കുന്നതിനാൽ ആഗസ്റ്റ് 22 വരെയാണ് സ്റ്റേഷൻ മാറ്റം. ജങ്ഷനിലെത്തി എൻജിൻ മാറുന്നത് ഒഴിവായതോടെ കേരള എക്സ്പ്രസിന് അര മണിക്കൂറോളം സമയലാഭമുണ്ടാകും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.