മട്ടാഞ്ചേരി: തോപ്പുംപടി രാജീവ് ഗാന്ധി സ്റ്റേഡിയത്തിൽ നടന്ന എസ്.ഐ.ഒ ജില്ല സ്പോർട്സ് മീറ്റിൽ വൈപ്പിൻ ഏരിയ 40 പോയൻറുകളോടെ ജേതാക്കളായി. 30 പോയൻറ് കരസ്ഥമാക്കിയ കുന്നത്തുനാട് ഏരിയ റണ്ണർ അപ്പായി. 16 ഏരിയകളിൽനിന്നായി 150 പേർ മത്സരത്തിൽ പങ്കെടുത്തു. ജില്ല പ്രസിഡൻറ് എ.എഫ്. മുഫീദ് ഉദ്ഘാടനം ചെയ്തു. സംസ്ഥാന കൂടിയാലോചന സമിതിയംഗം ശഹീൻ ഷിഹാബ് ട്രോഫികൾ കൈമാറി. ജമാഅത്തെ ഇസ്ലാമി കൊച്ചി ഏരിയ പ്രസിഡൻറ് ഒ.എ. മുഹമ്മദ് ജമാൽ ഫുട്ബാൾ മത്സര വിജയികൾക്ക് സമ്മാനം നൽകി. വടംവലി മത്സര വിജയികൾക്ക് പി.ബി. ഖാലിദ്, പഞ്ചഗുസ്തി മത്സര വിജയികൾക്ക് പി.ബി. കബീർ, അത്ലറ്റിക്സിൽ വിജയം നേടിയവർക്ക് എം.എസ്. ഷംസുദ്ദീൻ എന്നിവർ സമ്മാനദാനം നടത്തി. ജില്ല സെക്രട്ടറി ഇസ്ഹാഖ് അസ്ഹരി, സ്പോർട്സ് കൺവീനർ ടി.എ. ആഷിഖ്, കെ.എം. ആഷിഖ്, കെ.എ. അഷ്റഫ്, ടി.എം.എ. ലത്തീഫ് എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.