കൊച്ചി: മഞ്ജീരം ഫൗണ്ടേഷെൻറ 23ാം വാർഷികവും 'കൈത്താങ്ങ്' പദ്ധതിയുടെ ഭാഗമായി വിദ്യാർഥികൾക്ക് പഠനോപകരണ വിതരണവും നടന്നു. മഞ്ജീരം വാർഷികാഘോഷങ്ങളുടെ ഭാഗമായി നടക്കുന്ന പ്ലാസ്റ്റിക് നിർമാർജന പദ്ധതിയുടെ ഭാഗമായി തെരഞ്ഞെടുക്കപ്പെട്ട െറസിഡൻറ്സ് അസോസിയേഷനുകൾക്ക് 10,000 തുണി സഞ്ചികൾ വിതരണം ചെയ്തു. പ്രഫ. കെ.വി. തോമസ് എം.പി ഉദ്ഘാടനം ചെയ്തു. 200 കുട്ടികൾക്ക് പഠനോപകരണങ്ങൾ വിതരണം ചെയ്തു. ഉന്നതവിജയം നേടിയ കുട്ടികൾക്ക് ഹൈബി ഈഡൻ എം.എൽ.എ പുരസ്കാരങ്ങൾ സമ്മാനിച്ചു. ചലച്ചിത്രനടി പ്രയാഗ മാർട്ടിൻ മുഖ്യാതിഥിയായി. 'കൈത്താങ്ങ്-2018' പദ്ധതിയുടെ ഉദ്ഘാടനം ജസ്റ്റിസ് കെ. ബാലകൃഷ്ണൻ നായർ നിർവഹിച്ചു. നിർമൽ കുമാർ അധ്യക്ഷത വഹിച്ച ചടങ്ങിൽ പ്ലാസ്റ്റിക്മുക്ത പ്രചാരണ പരിപാടിയുടെ ഉദ്ഘാടനം നഗരസഭ സ്ഥിരം സമിതി അധ്യക്ഷൻ പി.എം. ഹാരിസ് നിർവഹിച്ചു. കൗൺസിലർമാരായ ഡെലീന പിൻഹീറോ, ഒ.പി. സുനിൽകുമാർ, ജോസ് ജേക്കബ് എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.