എം.ജി ഡിഗ്രി ഏകജാലകം മൂന്നാംഘട്ട അലോട്ട്മെൻറ്: ഓപ്ഷനുകൾ ഇന്ന് വരെ കോട്ടയം: ജൂലൈ അഞ്ചിന് നടക്കുന്ന ഡിഗ്രി പ്രവേശനത്തിെൻറ മൂന്നാം അലോട്ട്മെൻറിന് പരിഗണിക്കപ്പെടാൻ അപേക്ഷകർക്ക് തങ്ങൾ നേരേത്ത നൽകിയ ഓപ്ഷനുകൾ പുനഃക്രമീകരിക്കാൻ ജൂലൈ ഒന്ന് വൈകീട്ട് നാലുവരെ സൗകര്യമുണ്ടാകും. അപേക്ഷകർക്ക് തങ്ങളുടെ ആപ്ലിക്കേഷൻ നമ്പർ, പാസ്വേഡ് ഇവ ഉപയോഗിച്ച് ലോഗിൻ ചെയ്ത് ഓപ്ഷനുകൾ പുനഃക്രമീകരിക്കാൻ സാധിക്കും. കോളജുകളോ േപ്രാഗ്രാമുകളോ കൂട്ടിച്ചേർക്കാൻ സാധിക്കില്ല. ഒന്നാം അലോട്ട്മെൻറ് വഴി പ്രവേശനം ലഭിച്ച വിദ്യാർഥികൾ നിലവിൽ ലഭിച്ച അലോട്ട്മെൻറിൽ തൃപ്തരാണെങ്കിൽ നിലനിൽക്കുന്ന ഹയർ ഓപ്ഷനുകൾ ഡിലീറ്റ് ചെയ്യണം. അലോട്ട്മെൻറ് ലഭിച്ച വിദ്യാർഥികൾ ഹയർ ഓപ്ഷൻ ഡിലീറ്റ് ചെയ്യാതിരിക്കുകയും രണ്ടാം അലോട്ട്മെൻറിൽ പുതുതായി ഹയർഓപ്ഷനിലെ മറ്റൊരു േപ്രാഗ്രാമിലേക്ക്, കോളജിലേക്ക് അലോട്ട്മെൻറ് ലഭിക്കുകയും ചെയ്യുന്നപക്ഷം പുതുതായി അലോട്ട്മെൻറ് ലഭിച്ച േപ്രാഗ്രാമിലേക്ക്, കോളജിലേക്ക് നിർബന്ധമായും പ്രവേശനം നേടേണ്ടതായിവരും. കൂടാതെ അവർക്ക് ലഭിച്ച ആദ്യ അലോട്ട്മെൻറ് റദ്ദാക്കപ്പെടുകയും ചെയ്യും. സ്ഥിരപ്രവേശനം എടുത്തിട്ടുള്ളവർ ഹയർ ഓപ്ഷനുകൾ ഡിലീറ്റ് ചെയ്യേണ്ട. രണ്ടാം അലോട്ട്മെൻറിൽ ഒന്നാം ഓപ്ഷനിൽ അലോട്ട്മെൻറ് ലഭിച്ച അപേക്ഷകർ മൂന്നാം അലോട്ട്മെൻറിന് മുമ്പ് സ്ഥിരപ്രവേശനം എടുക്കാത്തപക്ഷം അത്തരക്കാരുടെ അലോട്ട്മെൻറ് റദ്ദാക്കും. അതിനാൽ ഒന്നാം ഓപ്ഷനിൽ അലോട്ട്മെൻറ് ലഭിച്ചവരെല്ലാം മൂന്നാം അലോട്ട്മെൻറിന് മുമ്പ് സ്ഥിരപ്രവേശനം നേടണം. പി.ജി ഏകജാലകം: ഓൺലൈൻ രജിസ്േട്രഷൻ ആരംഭിച്ചു എം.ജി സർവകലാശാലയോട് അഫിലിയേറ്റ് ചെയ്ത സർക്കാർ, എയ്ഡഡ്, സ്വാശ്രയ ബിരുദാനന്തര ബിരുദ േപ്രാഗ്രാമുകളിലേക്കുള്ള ഓൺലൈൻ രജിസ്േട്രഷൻ ആരംഭിച്ചു. സർവകലാശാല നേരിട്ട് ഏകജാലക സംവിധാനത്തിലൂടെ മെറിറ്റ് സീറ്റുകളിലേക്കും എസ്.സി-എസ്.ടി, എസ്.ഇ.ബി.സി, ഇ.ബി.എഫ്.സി എന്നിവർക്കായി സംവരണം ചെയ്തിട്ടുള്ള സീറ്റുകളിലേക്കും അലോട്ട്മെൻറ് നടത്തും. www.cap.mgu.ac.inൽ പി.ജി.സി.പി എന്ന ലിങ്കിൽ പ്രവേശിച്ച് ജൂലൈ നാലിന് വൈകീട്ട് അഞ്ചുവരെ ഓൺലൈൻ രജിസ്േട്രഷൻ നടത്താം. ആദ്യ അലോട്ട്മെൻറ് ജൂലൈ 12ന് നടത്തും. മാനേജ്മെൻറ്, കമ്യൂണിറ്റി, സ്പോർട്സ്, കൾച്ചറൽ േക്വാട്ട, വികലാംഗ വിഭാഗത്തിന് സംവരണം ചെയ്ത സീറ്റുകൾ എന്നിവയിലേക്ക് ഏകജാലക സംവിധാനത്തിലൂടെ അപേക്ഷിക്കുകയും അപേക്ഷയുടെ പകർപ്പ് പ്രവേശനം ആഗ്രഹിക്കുന്ന കോളജുകളിൽ നേരിട്ട് സമർപ്പിക്കുകയും ചെയ്യണം. ഏകജാലകത്തിലൂടെ അപേക്ഷിക്കാത്തവർക്ക് മാനേജ്മെൻറ്, കമ്യൂണിറ്റി, സ്പോർട്സ്, കൾച്ചറൽ, വികലാംഗ േക്വാട്ടകളിലേക്ക് അപേക്ഷിക്കാൻ സാധിക്കില്ല. വിവരങ്ങൾ www.cap.mgu.ac.in ൽ ലഭ്യമാണ്. ഇ-മെയിൽ: pgcap@mgu.ac.in പി.ജി പ്രവേശന കൗൺസലിങ് ജൂലൈ മൂന്ന് മുതൽ എം.ജി സർവകലാശാലയിലെ വിവിധ പഠനവകുപ്പുകളിലെ പി.ജി േപ്രാഗ്രാമുകളിലേക്ക് നടത്തിയ പ്രവേശന പരീക്ഷയിൽ (ക്യാറ്റ് എം.ജി.യു) യോഗ്യത നേടിയ വിദ്യാർഥികൾക്കായി ജൂലൈ മൂന്ന്, നാല്, അഞ്ച് തീയതികളിൽ സർവകലാശാല അസംബ്ലിഹാളിൽ പ്രവേശന കൗൺസലിങ് നടത്തും. കൗൺസലിങ്ങിന് യോഗ്യത നേടിയവരുടെ സെലക്ട് ലിസ്റ്റും വിശദ ഷെഡ്യൂളും നിർദേശങ്ങളും www.cat.mgu.ac.inൽ പ്രസിദ്ധീകരിച്ചിട്ടുണ്ട്. പിഎച്ച്.ഡി പ്രവേശനത്തിന് അപേക്ഷ ക്ഷണിച്ചു എം.ജി സർവകലാശാലയിലെ 2018 അഡ്മിഷൻ പിഎച്ച്.ഡി രജിസ്േട്രഷന് അപേക്ഷ ക്ഷണിച്ചു. ജൂലൈ 31വരെ അപേക്ഷകൾ സ്വീകരിക്കും. താൽപര്യമുള്ളവർ രജിസ്േട്രഷന് ആവശ്യമായ എല്ലാ രേഖകളോടും കൂടി ഡെപ്യൂട്ടി രജിസ്ട്രാർ ഒന്നിന് (അക്കാദമിക്) അപേക്ഷ സമർപ്പിക്കണം. അപൂർണമായ അപേക്ഷകൾ സ്വീകരിക്കില്ല. വിശദവിവരങ്ങളും അപേക്ഷഫോറവും www.mgu.ac.inൽ. ബി.ടെക് ഇേൻറണൽ റീഡ് 2018 ജൂലൈ/ആഗസ്റ്റ് മാസങ്ങളിൽ നടത്താൻ നിശ്ചയിച്ച ബി.ടെക് ഒന്ന്, രണ്ട്, നാല്, ആറ്, ഏഴ്, എട്ട് സെമസ്റ്ററുകളുടെ ഇേൻറണൽ റീഡ് പരീക്ഷകൾക്കുള്ള ഹാൾടിക്കറ്റിന് അപേക്ഷിച്ച വിദ്യാർഥികൾ അതത് കോളജുകളിൽനിന്ന് കൈപ്പറ്റണം. ബി.ആർക് പ്രാക്ടിക്കൽ ഏഴും എട്ടും സെമസ്റ്റർ ബി.ആർക് (120 ദിവസത്തെ പ്രായോഗിക പരിശീലനം പൂർത്തിയാക്കിയ) വിദ്യാർഥികൾക്ക് പ്രാക്ടിക്കൽ, ഡിസർട്ടേഷൻ എന്നിവക്കുള്ള അപേക്ഷകൾ പിഴകൂടാതെ ജൂലൈ 24വരെയും 50 രൂപ പിഴയോടെ 25വരെയും 500 രൂപ സൂപ്പർഫൈനോടെ 27വരെയും സമർപ്പിക്കാം. 2018 മാർച്ച് 23ലെ വിജ്ഞാപനപ്രകാരം അപേക്ഷിച്ച വിദ്യാർഥികൾ വീണ്ടും അപേക്ഷ സമർപ്പിക്കേണ്ട. പ്രാക്ടിക്കൽ മൂന്നാം സെമസ്റ്റർ എം.പി.എഡ് (2016 അഡ്മിഷൻ റഗുലർ, സപ്ലിമെൻററി) മേയ് 2018 പരീക്ഷയുടെ പ്രാക്ടിക്കൽ ജൂലൈ അഞ്ചിന് മൂലമറ്റം സെൻറ് ജോസഫ്സ് അക്കാദമി ഓഫ് ഹയർ എജുക്കേഷൻ ആൻഡ് റിസർച്ചിൽ നടത്തും. വിശദ ടൈംടേബിൾ സർവകലാശാല വെബ്സൈറ്റിൽ. വൈവവോസി 2018 മേയ്, ജൂൺ മാസങ്ങളിൽ നടത്തിയ നാലാം സെമസ്റ്റർ എം.എ സംസ്കൃതം സ്പെഷൽ (സി.എസ്.എസ്. റഗുലർ, സപ്ലിമെൻററി, മേഴ്സി ചാൻസ്) പരീക്ഷയുടെ േപ്രാജക്ട് ഇവാല്യുവേഷനും വൈവവോസിയും ജൂലൈ നാല് മുതൽ അതത് കോളജിൽ നടത്തും. വിശദ ടൈംടേബിൾ സർവകലാശാല വെബ്സൈറ്റിൽ. ബി.ആർക് മൂല്യനിർണയം ഒന്നും രണ്ടും നാലും ആറും സെമസ്റ്റർ ബി.ആർക് മേയ്, ജൂൺ 2018 പരീക്ഷയുടെ മൂല്യനിർണയം ജൂലൈ രണ്ട് മുതൽ പാമ്പാടി ആർ.ഐ.ടിയിൽ നടക്കും. മൂല്യനിർണയത്തിന് നിയോഗിക്കപ്പെട്ട അധ്യാപകർ ജൂലൈ രണ്ടിന് രാവിലെ 10ന് ആ കേന്ദ്രത്തിൽ എത്തണം. പരീക്ഷഫലം അഞ്ചും ആറും സെമസ്റ്റർ ബി.കോം (ൈപ്രവറ്റ് രജിസ്േട്രഷൻ) മാർച്ച് 2018 പരീക്ഷകളുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനക്കും ജൂലൈ 16വരെ അപേക്ഷിക്കാം. ഫൈനൽ റാങ്ക് ലിസ്റ്റ് പ്രസിദ്ധീകരിച്ചു 2017 ജനുവരിയിൽ നടത്തിയ അവസാന വർഷ ബാച്ചിലർ ഓഫ് ഫിസിയോതെറപ്പി (പുതിയ സ്കീം 2012 അഡ്മിഷൻ) പരീക്ഷയുടെ ഫൈനൽ റാങ്ക് ലിസ്റ്റ് പ്രസിദ്ധപ്പെടുത്തി. ഗാന്ധിനഗർ എസ്.എം.ഇയിലെ ജോസിയ റോസി ജോയ് ഒന്നാം റാങ്ക് നേടി. 2017 ഡിസംബറിൽ നടത്തിയ അവസാന വർഷ ബി.എസ്സി എം.ആർ.ടി (റഗുലർ/സപ്ലിമെൻററി) പരീക്ഷയുടെ ഫൈനൽ റാങ്ക് ലിസ്റ്റ് പ്രസിദ്ധപ്പെടുത്തി. ഗാന്ധിനഗർ എസ്.എം.ഇയിലെ എൻ.വി. ഷനിയമോൾ, മേഘ്ന ബേബി, എം. അതുല്യ എന്നിവർ യഥാക്രമം ഒന്നും രണ്ടും മൂന്നും റാങ്ക് നേടി. 2016 ഡിസംബറിൽ നടത്തിയ അവസാനവർഷ ബി.ഫാം (റഗുലർ, സപ്ലിമെൻററി) പരീക്ഷയുടെ ഫൈനൽ റാങ്ക് ലിസ്റ്റ് പ്രസിദ്ധപ്പെടുത്തി. ചെറുവാണ്ടൂർ ഡി.പി.എസിലെ അക്ഷയ ടി. ആേൻറാ, പുതുപ്പള്ളി ഡി.പി.എസിലെ എ. ഫാത്തിമ, ആര്യ കെ. ബാബു എന്നിവർ യഥാക്രമം ഒന്നും രണ്ടും മൂന്നും റാങ്ക് നേടി. 2017 മേയിൽ നടത്തിയ അവസാനവർഷ ബി.ഫാം (റഗുലർ/സപ്ലിമെൻററി) പരീക്ഷയുടെ ഫൈനൽ റാങ്ക് ലിസ്റ്റ് പ്രസിദ്ധപ്പെടുത്തി. ചെറുവാണ്ടൂർ ഡി.പി.എസിലെ അഷ്ന കെ. റഹിം, ജിസ്മി ലൂക്കോസ്, എസ്. കൃഷ്ണപ്രിയ എന്നിവർ യഥാക്രമം ഒന്നും രണ്ടും മൂന്നും റാങ്ക് നേടി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.