കൊച്ചി: ഗൃഹനാഥനും ഭാര്യയും ആത്മഹത്യ ചെയ്ത സംഭവത്തെക്കുറിച്ച് വാർത്ത പ്രസിദ്ധീകരിച്ചതിന് സായാഹ്ന കൈരളിയുടെ ചെറായി ബ്യൂറോ ഓഫിസ് തല്ലിത്തകർക്കാനും എഡിറ്ററെ കൈയേറ്റം ചെയ്യാനും ശ്രമിച്ചതിൽ എറണാകുളം പ്രസ് ക്ലബ് പ്രതിഷേധിച്ചു. വെള്ളിയാഴ്ച രാത്രിയാണ് ഇരുചക്ര വാഹനങ്ങളിലെത്തിയ അക്രമി സംഘം ഓഫിസ് തകർക്കാനും എഡിറ്റർ ടി.പി. സോമസുന്ദരത്തെ കൈയേറ്റം ചെയ്യാനും ശ്രമിച്ചത്. ബ്യൂറോ ഓഫിസിെൻറ ചില്ലുകൾ അടിച്ചു തകർക്കാൻ ശ്രമിച്ച അക്രമികൾ സമീപത്ത് താമസിച്ചിരുന്ന സോമസുന്ദരത്തെ വീട്ടിലെത്തി അസഭ്യം പറയുകയും ശാരീരികമായി ആക്രമിക്കാൻ ശ്രമിക്കുകയുമായിരുന്നു. നിർഭയമായി മാധ്യമ പ്രവർത്തനം നടത്തുന്നത് തടയുന്ന അക്രമികൾക്കെതിരെ കർശന നടപടിയെടുക്കണമെന്ന് പ്രസ് ക്ലബ് പ്രസിഡൻറ് ഡി. ദിലീപും സെക്രട്ടറി സുഗതൻ പി. ബാലനും ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.