നെടുമ്പാശ്ശേരി-: വിവിധ വിമാനത്താവളങ്ങളിൽ സുരക്ഷ ചുമതല ഏറ്റെടുത്തിട്ടുള്ള സി.ഐ.എസ്.എഫിൽ സ്ത്രീകളുടെ അംഗബലം വർധിപ്പിക്കുന്നു. കുറ്റകൃത്യങ്ങളിൽ പിടിയിലാവുന്നവരിൽ സ്ത്രീകളുടെ എണ്ണം കൂടി വരുന്ന സാഹചര്യം കൂടി കണക്കിലെടുത്താണ് ഈ നടപടി. മയക്കുമരുന്ന്, സ്വർണക്കടത്ത് കേസുകളിലും വിമാനത്താവളങ്ങളിൽ പിടിയിലാവുന്ന സ്ത്രീകൾ കൂടി വരുന്നുണ്ട്. അനധികൃതമായി ആയുധം കൈവശം വെക്കുന്ന കേസുകളിലും സ്ത്രീകൾ കൂടുതലായി ഉൾപ്പെടുന്നുണ്ട്. ആർക്കോണത്തെ റീജനൽ െട്രയിനിങ്ങ് സെൻററിൽ കഴിഞ്ഞ ദിവസം പരിശീലനം പൂർത്തിയാക്കിയ 789 വനിത അംഗങ്ങളെയാണ് സി.ഐ.എസ്.എഫ് വിവിധ വിമാനത്താവളങ്ങളിലേക്ക് നിയോഗിക്കുന്നത്. ഏതാനും പേരെ ഡൽഹി മെേട്രായിലേക്കും നിയോഗിക്കും. വിമാനത്താവളങ്ങളിൽ സി.ഐ.എസ്.എഫ് ഇൻറലിജൻസ് വിഭാഗം ശക്തിപ്പെടുത്താനും തീരുമാനിച്ചിട്ടുണ്ട്. ഇതിലേക്കും വനിതകളെ നിയോഗിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.