മൂവാറ്റുപുഴ: ഇലാഹിയ എൻജിനീയറിങ് കോളജ്, കമ്പ്യൂട്ടർ സൊസൈറ്റി ഓഫ് ഇന്ത്യ എന്നിവയുടെ ആഭിമുഖ്യത്തിൽ സംഘടിപ്പിച്ച ടെക്നിക്കൽ ക്വിസ് മത്സരം 'എൻക്വിസ്റ്റ- -2018' സമാപിച്ചു. വിവിധ കോളജുകളിൽ നിന്നും സ്കൂളുകളിൽനിന്നും 70 ഓളം ടീമുകൾ പങ്കെടുത്തു. കൊച്ചി അമൃത കോളജിലെ പ്രവീൺ പൈ, അഭിജിത് എന്നിവർ ഒന്നാം സ്ഥാനവും കോതമംഗലം എം.എ കോളജിലെ സെബാസ്റ്റ്യൻ തോമസ്, വിഷ്ണു എന്നിവർ രണ്ടാം സ്ഥാനവും കരസ്ഥമാക്കി. സ്കൂൾ തലത്തിൽ മൂവാറ്റുപുഴ നിർമല സ്കൂളിലെ റമീസ് റസാഖ്, ഹാദി അമീൻ എന്നിവർ ഒന്നാം സ്ഥാനവും കോലഞ്ചേരി സെൻറ് പീറ്റേഴ്സ് സ്കൂളിലെ അബി മാണിക്കുഞ്ഞ്, ബോവാസ് വർഗീസ് എന്നിവർ രണ്ടാം സ്ഥാനവും കരസ്ഥമാക്കി. ഫെബ്രുവരി 22, 23, 24 തീയതികളിൽ കോളജിൽ നടക്കുന്ന നാഷനൽ ലെവൽ ടെക്നിക്കൽ ഫെസ്റ്റിവൽ 'ഒബ്സ്ക്യൂറ'യുടെ ഉദ്ഘാടന വേദിയിൽ മെട്രോ മാനേജിങ് ഡയറക്ടർ എ.പി.എം. മുഹമ്മദ് ഹനീഷ് വിജയികൾക്ക് സമ്മാനം വിതരണം ചെയ്യും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.