അങ്കമാലി: അങ്കമാലി കറുകുറ്റിയിൽ കഞ്ചാവും നൈട്രോസം ഗുളികകളുമായി ഇതരസംസ്ഥാന തൊഴിലാളി അങ്കമാലി എക്സൈസ് സംഘത്തിെൻറ പിടിയിലായി. പശ്ചിമ ബംഗാൾ മുർഷിദാബാദ് സ്വദേശി സഹിദ്നൂർ അലി മണ്ഡലാണ് (41) പിടിയിലായത്. അങ്കമാലി എക്സൈസ് ഇൻസ്പെക്ടർ ആർ.പ്രശാന്തിെൻറ നേതൃത്വത്തിൽ നടത്തിയ പരിശോധനയിലാണ് ഇയാൾ കുടുങ്ങിയത്. ഇയാളുടെ പക്കൽനിന്ന് 110 ഗ്രാം കഞ്ചാവും രണ്ട് നൈട്രോസം ഗുളികയുമാണ് കണ്ടെത്തിയത്. രഹസ്യവിവരത്തിെൻറ അടിസ്ഥാനത്തിലാണ് എക്സൈസ് സംഘം പരിശോധന നടത്തിയത്. കറുകുറ്റി ഭാഗത്ത് വാടകക്ക് താമസിക്കുന്ന ഇയാൾ മറ്റ് ഇതര സംസ്ഥാന തൊഴിലാളികൾക്കാണ് കഞ്ചാവും ഗുളികകളും എത്തിച്ചുകൊടുക്കുന്നത്. പ്രതിയെ അങ്കമാലി കോടതിയിൽ ഹാജരാക്കി. പരിശോധനയിൽ പ്രിവൻറിവ് ഓഫിസർമാരായ എം.കെ. കാർത്തികേയൻ നായർ, പി.കെ. ബിജു, സിവിൽ എക്സൈസ് ഓഫിസർമാരായ കെ.എസ്. പ്രശാന്ത്, എ.പി. പ്രദീപ് കുമാർ, ഡ്രൈവർ ബെന്നി പീറ്റർ എന്നിവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.