ആലപ്പുഴ: എൻജിനീയറിങ് പ്രവേശന പരീക്ഷ എഴുതാനെത്തിയ വിദ്യാർഥികളെ നഗരത്തിലെ ഗതാഗതക്കുരുക്ക് വലച്ചു. തിങ്കളാഴ്ച രാവിലെ 10 മുതൽ 12.30 വരെയായിരുന്നു ഫിസിക്സ്, കെമിസ്ട്രി പരീക്ഷ. രാവിലെ 9.30നുതന്നെ പരീക്ഷ കേന്ദ്രങ്ങളിൽ എത്താനാണ് നിർദേശം നൽകിയിരുന്നത്. ഗതാഗതക്കുരുക്കുണ്ടായതിനാൽ ബുദ്ധിമുട്ടിയാണ് പലരും എത്തിയത്. ആലപ്പുഴ എസ്.ഡി.വി സ്കൂൾ, ഗവ. ഗേൾസ് സ്കൂൾ, തിരുവമ്പാടി സ്കൂൾ, ടി.ഡി സ്കൂൾ എന്നിവയായിരുന്നു പരീക്ഷ കേന്ദ്രങ്ങൾ. ചില കേന്ദ്രങ്ങളിൽ അടിസ്ഥാന സൗകര്യങ്ങൾ ഇല്ലാതിരുന്നതും വിദ്യാർഥികളെ വലച്ചു. കൈയിലെ വാച്ചുപോലും അഴിച്ചുമാറ്റാൻ ആവശ്യപ്പെട്ടത് അമർഷത്തിനിടയാക്കി. പരീക്ഷ ഹാളിൽ ക്ലോക്കും ഉണ്ടായിരുന്നില്ല. സമയം അറിയാൻ വഴിയില്ലാതെ വിദ്യാർഥികൾ വലഞ്ഞു. ഇതിനെക്കുറിച്ച് ചോദിച്ചപ്പോൾ അധ്യാപകരും കൈമലർത്തുകയായിരുന്നെന്ന് വിദ്യാര്ഥികൾ പറഞ്ഞു. 150 മിനിറ്റ് പരീക്ഷക്ക് 120 ചോദ്യങ്ങളാണ് ഉണ്ടായിരുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.