ശിവഗിരി ട്രസ്റ്റ്-എസ്.എൻ ട്രസ്റ്റ് തർക്കം പരിഹരിക്കാൻ തീരുമാനം ചേര്ത്തല:- വർക്കല കോളജ് സംബന്ധിച്ച ശിവഗിരി ധർമസംഘം ട്രസ്റ്റും എസ്.എൻ ട്രസ്റ്റും തമ്മിലെ തർക്കം പരിഹരിക്കാൻ തീരുമാനം. ഇതിനായി എസ്.എൻ ട്രസ്റ്റ് എക്സിക്യൂട്ടിവിനെ പൊതുയോഗം ചുമതലപ്പെടുത്തി. ട്രസ്റ്റിന് മഠം സൗജന്യമായി നൽകിയ 30 ഏക്കർ സ്ഥലം തിരിച്ചുകൊടുക്കണമെന്ന വിധിെക്കതിരെ ഹൈകോടതിയിൽ കേസ് നടക്കുകയാണ്. കോടതിയുടെ അനുമതിയോടെ പ്രശ്നം തീർക്കാനാണ് ശ്രമം. ചേർത്തല എസ്.എൻ കോളജിന് സമീപത്തെ ട്രസ്റ്റിെൻറ സ്ഥലത്തുനിന്ന് കൃഷിയോഗ്യമല്ലാത്ത മണൽ നീക്കി പൂഴി നിറച്ച് കൃഷിയോഗ്യമാക്കാന് യോഗം അനുവാദം നൽകിയതായി വെള്ളാപ്പള്ളി നടേശൻ പറഞ്ഞു. ട്രസ്റ്റ് ചെയർമാൻ ഡോ. എം.എൻ. സോമൻ അധ്യക്ഷത വഹിച്ചു. അസി. സെക്രട്ടറി തുഷാർ വെള്ളാപ്പള്ളി, ഡോ. ജി. ജയദേവൻ, എ.എൻ. രാജൻ ബാബു എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.